جاپونياداعى كرۋيز لاينەرىندە قازاقستاندىق 2 كەلىنشەك پەن ەكى بالا بار – س ءى م

نۇر-سۇلتان. قازاقپارات - جاپونياداعى قازاقستان ەلشىلىگى «Diamond Princess» لاينەرىندەگى قازاقستان ازاماتتارىمەن تىعىز بايلانىستا، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.

«وتانداستارىمىزدىڭ جاعدايى جاقسى، الاڭداۋدىڭ قاجەتى جوق، ويتكەنى ولار كوروناۆيرۋس جۇقتىرعان جوق. دەگەنمەن، ولار ۆيرۋستىڭ بار- جوعىن انىقتايتىن تەكسەرىستەن ءوتىپ، تالداۋ جاساتتى»، دەپ ءمالىم ەتتى س ءى م رەسمي وكىلى ايبەك سمادياروۆ.

ايتا كەتەرلىگى، كەمە 5-اقپاننان بەرى كارانتيندە تۇر. كارانتين 19-اقپاندا اياقتالۋى ءتيىس. ول اياقتالعان سوڭ، ازاماتتارىمىزدا كوروناۆيرۋس بەلگىلەرى بولماسا كەمەدەن شىعارىلادى. جاپونيا لاينەردەن بوساتىلعان جولاۋشىلاردى جەرگە تۇسكەننەن كەيىن تاعى ءبىر مارتە تەكسەرۋدى جوسپارلاپ وتىر.

ديپلوماتتاردىڭ مالىمەتى بويىنشا، كەمە بورتىندا قازاقستاندىق ەكى ايەل مەن 8 جانە 12 جاسار ەكى بالا بار. ولاردىڭ جاعدايى جاقسى، شاعىمدارى جوق. جولاۋشىلار تاماقپەن جانە مەديتسينالىق قورعانۋ قۇرالدارىمەن قامتاماسىز ەتىلگەن.

«ازاماتتار كەمەدەن بوساتىلعاننان كەيىن ۆيرۋس تابىلماسا، قازاقستانعا ورالادى»، - دەدى ايبەك سمادياروۆ.

ەسكە سالا كەتسەك ، بۇعان دەيىن ق ر ينفەكسيالىق اۋرۋلاردىڭ جەتەكشى مامانى ديناگۇل بايەشەۆا Diamond Princess لاينەرىندەگى قازاقستاندىقتاردىڭ دەنساۋلىعى تۋرالى ايتىپ بەرگەن ەدى.