تۇركىستاندا جوعالىپ كەتكەن اپەكەلى- ءسىڭلىلى 2 وقۋشى تابىلدى

تۇركىستان. قازاقپارات - تۇركىستان وبلىسى، تۇلكىباس اۋدانىندا ساباققا كەتىپ، حابارسىز كەتكەن اپەكەلى-ءسىڭلىلى ەكى جاس ءوسپىرىم تابىلدى، دەپ حابارلايدى قازاقپارات ءتىلشىسى.

وبلىستىق پ د باسپا ءسوز قىزمەتىنىڭ مالىمەتىنشە، جالعىزباستى انا تۇلكىباس ا پ ب قىزمەتكەرلەرىنە 13 جانە 11 جاستاعى قىزدارىنىڭ كۇندىزگى ساعات 12:30 دار شاماسىندا ساباققا شىعىپ، كەيىن قايتىپ ورالماعانىن ايتىپ، پوليتسيا كومەگىنە جۇگىنگەن.

پوليتسيا جىلدام شەشىم قابىلداپ، ىزدەۋ جۇمىستارىن جۇرگىزدى. ىزدەۋ شارالارىنا مەكتەپ مۇعالىمدەرى مەن ەرىكتىلەر دە تارتىلدى. ناتيجەسىندە جوعالعان قىزدار سول اۋىلدان 25-30 شاقىرىم قاشىقتىقتا ورنالاسقان كورشى ەلدى مەكەننەن تابىلدى.

تەرگەۋ بارىسىندا وقۋشى قىزداردىڭ وسىدان ءبىر جىل بۇرىن كوشىپ كەتكەن اۋىلىنداعى ۇيلەرىنە جاياۋ جەتىپ، سونداعى دوستارىنا بارعانى انىقتالدى.