ۆاتساپتى قولدانۋشىلار سانى 2 ميلليارد ادامعا جەتتى

نۇر-سۇلتان. قازاقپارات - WhatsApp قوسىمشاسىن الەم بويىنشا ەكى ميلليارد ادام قولدانادى، دەپ حابارلايدى قازاقپارات كومپانيانىڭ سايتىنا سىلتەمە جاساپ.

«بۇرىن تەك كەزدەسۋ كەزىندە ايتىلاتىن قۇپيا اڭگىمەلەردى قازىر الەمنىڭ كەز كەلگەن نۇكتەسىندە وتىرىپ چاتتار مەن ۆيدەوقوڭىراۋلار ارقىلى جۇرگىزۋگە بولادى. بايلانىس قۇرالىن ءجيى نەعۇرلىم ءجيى قولدانعاندىقتان قاۋىپسىزدىكتى دە سوعۇرلىم كوپ ويلاۋىمىز كەرەك. ءبىز جەلىدە كوپ ۋاقىت وتكىزەتىندىكتەن، اڭگىمەمىزدىڭ قۇپيالىلىعى دا ماڭىزدى. سوندىقتان WhatsApp-تاعى ءاربىر حابارلاما شيفرلانۋ ارقىلى قورعالعان. بۇل شيفرلاۋ ساندىق قۇلىپ رەتىندە WhatsApp-تاعى اقپاراتتاردى جانە حاكەرلەر مەن قاسكۇنەمدەردەن قورعايدى»، - دەلىنگەن كومپانيانىڭ تاراتقان حابارلاماسىندا.

WhatsApp باستاپقىدا-اق قاراپايىم، سەنىمدى جانە قۇپيا سەرۆيس رەتىندە ويلاستىرىلدى. قازىرگى ۋاقىتتا كومپانيا قۇپيا بايلانىستى ۇسىنۋ يدەياسىن جانە الەمدەگى ەكى ميلليارد قولدانۋشىنىڭ جەكە حابارلامالارىن قورعاۋدى قامتاماسىز ەتىپ كەلەدى.