وزبەكستاننىڭ 2 مىڭ ازاماتى قازاقستاندا زاڭسىز جۇرگەن

 نۇر- سۇلتان. قازاقپارات - قازاقستاننىڭ ىشكى ىستەر مينيسترلىگى العاش رەت وزبەك ارىپتەستەرىمەن بىرلەسكەن «زاڭسىز كەلۋشى» جەدەل- الدىن الۋ شاراسىن وتكىزدى، دەپ حابارلايدى قازاقپارات.

بىرلەسكەن وپەراتسيا 18-22 - قاراشا ارالىعىندا وتكىزىلدى.

«قازاقستاندا بولۋ ەرەجەلەرىن بۇزعانى ءۇشىن وزبەكستاننىڭ 2 مىڭنان استام ازاماتى اكىمشىلىك جاۋاپكەرشىلىككە تارتىلدى. ونىڭ ىشىندە 427 ازاماتتىڭ بولۋ مەرزىمى قىسقارتىلدى، 186-سى ەلدەن شىعارىلدى. قىلمىس جاساعانى ءۇشىن وزبەكستاندا ىزدەۋگە جاريالانعان 3 ادام ۇستالدى. بۇدان بولەك، شەتەلدىك جۇمىس كۇشىن تارتۋ جانە پايدالانۋ ەرەجەلەرىن بۇزعانى ءۇشىن ءتورت كۇن ىشىندە 56 جۇمىس بەرۋشى اكىمشىلىك جاۋاپكەرشىلىككە تارتىلدى. جەكە باسىن كۋالاندىراتىن قۇجاتتارى جوق 218 شەتەلدىك قابىلداۋ- تاراتۋ ورىندارىنا جەتكىزىلدى. كوشى- قون زاڭناماسىن بۇزۋ بويىنشا 6 قىلمىستىق ءىس قوزعالدى»، - دەدى ق ر ءى ءى م كوشى- قون كوميتەتىنەن.

قازاقستان تاراپى شەتەلدىكتەردى شەكاراعا جەتكىزۋ ءۇشىن اۆتوبۋستار ۇسىنىپ، ولارعا ارنايى ماشينالار ىلەسىپ جۇرگەن.

«وزبەكستان ءوز ازاماتتارىنىڭ ماسەلەلەرىن دەر كەزىندە شەشۋ ءۇشىن شتاب قۇردى. وپەراتسيا بارىسىندا قازاقستانداعى وزبەكستاننىڭ ديپلوماتيالىق وكىلدىگىنىڭ قىزمەتكەرلەرى بەلسەندى جۇمىس جۇرگىزدى. وزبەك ارىپتەستەرى كوشى- قون قىزمەتى ورتالىقتارىنىڭ قىزمەتىمەن تانىستى، تىكەلەي نۇر- سۇلتان، الماتى جانە شىمكەنت قالالارىنىڭ پد قابىلداۋ- تاراتۋ ورىندارىندا ورنالاسقان ادامدارعا كونسۋلتاتسيالىق كومەك كورسەتتى. تاراپتار وسىنداي وپەراتسيالاردى تۇراقتى نەگىزدە جۇرگىزۋ تۋرالى ۋاعدالاستى»، - دەدى كوميتەتتەن.