جامبىلدا قوعامدىق كولىك جۇرگىزۋشىلەرى ءبىر اپتادا 2 مىڭنان استام جول ەرەجەلەرىن بۇزعان

تاراز. قازاقپارات - جامبىل وبلىسىندا «اۆتوبۋس» جەدەل الدىن الۋ شاراسى بارىسىندا ءبىر اپتادا 4386 قۇقىق بۇزۋشىلىق انىقتالدى.

ونىڭ 2171 ى قوعامدىق كولىكتەردىڭ جۇرگىزۋشىلەرى جاساعان جول ەرەجەلەرىن بۇزۋ وقيعالارى، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.

اعىمداعى جىلدىڭ 10-17-قازانى ارالىعىندا جامبىل وبلىسى اۋماعىندا ءى ءى و 419 قىزمەتكەرىنىڭ قاتىسۋىمەن «اۆتوبۋس» جەدەل الدىن الۋ ءىس- شاراسى وتكىزىلدى.

«جىلدامدىقتى ارتتىرۋعا بايلانىستى ق ر ا ق ب ت ك 592-بابى بويىنشا 385 فاكت تىركەلگەن. سونداي-اق، 343 جۇرگىزۋشى مانەۆر جاساۋ ەرەجەلەرىن ساقتاماسا، 316 ادام جۇرگىزۋ كەزىندە تەلەفوندى پايدالانعان جانە تاعى دا باسقا قۇقىق بۇزۋشىلىقتار انىقتالدى. ءىس-شارا بارىسىندا 20 قوعامدىق كولىك ايىپ تۇراعىنا قامالدى»، - دەيدى پوليتسيا دەپارتامەنتى باستىعىنىڭ ءبىرىنشى ورىنباسارى پوليتسيا پودپولكوۆنيگى باۋىرجان ودەرگەنوۆ.

ايتا كەتەيىك، «اۆتوبۋس» جەدەل الدىن الۋ ءىس-شارالارىن وتكىزۋ كەزىندە وڭىردە اۆتوبۋستاردىڭ قاتىسۋىمەن جول- كولىك وقيعالارى تىركەلمەگەن.

اۆتور: عيبرات سەمباي