پرەزيدەنت تاپسىرماسى: قىمبات اۋە بيلەتتەرىنە قاتىستى 2 كومپانيا تەكسەرىلۋدە
«ازاماتتىق اۆياتسيا قىزمەتتەرى نارىعىندا باعا بەلگىلەۋ تاجىريبەسىن زەردەلەۋ ماقساتىندا ۇلتتىق ەكونوميكا مينيسترلىگى «ەير استانا» اق جانە « SCAT اۋە كومپانياسى» ا ق- قا قاتىستى قازاقستان رەسپۋبليكاسى كاسىپكەرلىك كودەكسىنىڭ 174-بابىنىڭ 1-تارماقشاسىندا كوزدەلگەن بۇزۋشىلىق بەلگىلەرى، اۆيابيلەتتەرگە مونوپوليالىق جوعارى باعا بەلگىلەۋ بولىگىندە ۇستەم نەمەسە مونوپوليالىق جاعدايدى تەرىس پايدالانۋ بويىنشا تەرگەپ- تەكسەرۋ جۇرگىزۋگە باستاماشىلىق ەتتى»، - دەلىنگەن مينيسترلىك اقپاراتىندا.
ۆەدومستۆو مالىمەتىنشە، تەرگەپ- تەكسەرۋ جۇرگىزۋگە قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياتسيا كوميتەتىنىڭ شاعىمى نەگىز بولعان.
تەرگەپ- تەكسەرۋ ناتيجەلەرى بويىنشا اۋە بيلەتتەرىنە قولدانىلاتىن باعالاردىڭ نەگىزدىلىگى باعالانادى.
ەسكە سالا كەتسەك، قازاقستان حالقىنا جولداۋىندا پرەزيدەنت قاسىم- جومارت توقايەۆ قازاقستاندا ۇشاق بيلەتىنىڭ قىمبات بولۋىنا قاتىستى سىن ايتقان بولاتىن. سونداي- اق، سول كەزدەگى ق ر يندۋستريا جانە ينفراقۇرىلىمدىق دامۋ ءمينيسترى رومان سكليار پرەزيدەنتتىڭ «ۇشاق بيلەتى قىمبات» دەگەن سىنىنا قاتىستى ماسەلە رەتتەلەتىنىنە ۋادە بەرگەن ەدى.
اۆتور: مارلان جيەمباي