+7 (701) 759 90 19 Лента
15 °С : نۇر-سۇلتان
22 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

التايدا جوعالعان 2 جاسار بالا درونمەن ىزدەستىرىلۋدە

19 تامىز 12:07
:ءبولىسۋ
التايدا جوعالعان 2 جاسار بالا درونمەن ىزدەستىرىلۋدە

التاي اۋدانى. قازاقپارات - ەكى تاۋلىكتەن بەرى التاي اۋدانىندا جوعالعان 2 جاسار بالا تابىلماي جاتىر، دەپ حابارلايدى قازاقپارات ءتىلشىسى.

شىعىس قازاقستان وبلىسىنىڭ توتەنشە جاعدايلار دەپارتامەنتىنىڭ حابارلاۋىنشا، جوعالعان بالانى ىزدەۋگە وسكەمەننەن ارنايى ماماندار دا كەلىپتى.

«وقيعا ورنىندا قۇتقارۋشىلار مەن پوليتسيا قىزمەتكەرلەرىنەن، جەرگىلىكتى اكىمدىك وكىلدەرى پەن ەرىكتەرلەردەن قۇرالعان 200 ادام ىزدەۋ جۇمىستارىنا جۇمىلدىرىلدى. 2017 -جىلى تۋعان ءسابي ءوز ءۇيىنىڭ اۋلاسىنان جوعالعان بولاتىن. ىزدەۋشى توپ ءشوپ باسقان اۋماقتار مەن شۇڭقىرلاردى، ارىقتار مەن جەرتولەلەردى، يەسىز قۇرىلىستاردى تەكسەرۋدە. ءۇي اۋلاسىنان 20 مەتر قاشىقتىقتا قايىڭدى وزەنى اعىپ جاتىر. قاۋىپ سۋدان كەلدى مە دەگەن دە كۇدىك بار. وسكەمەننەن كەلگەن ارنايى توپ ءيىسشىل يتتەردىڭ كومەگىنە جۇگىنبەك. ال اۋەدەن درون ارقىلى ىزدەۋ جۇمىستارى ءجۇرىپ جاتىر»، - دەلىنگەن ش ق و توتەنشە جاعداي دەپارتامەنتىنىڭ اقپاراتىندا.

شىعىس وڭىرلىك ايەروۇتقىر قۇتقارۋ جاساعىنىڭ ماماندارى كەشە قايىڭدى وزەنىنىڭ ارناسىن تەكسەرىپ، ەشقانداي بەلگى تاپپاعان بولاتىن. بالا جوعالعان ۇيدەن بەس شاقىرىم جەردە وزەن بويىن باقىلاۋدا ۇستاۋ ءۇشىن موبيلدى شتاب قۇرىلعان.

ەسكە سالساق، 18 - تامىز كۇنى ش ق و- نىڭ التاي اۋدانىندا 2 جاسار ءسابي ءوز ءۇيىنىڭ اۋلاسىنان جوعالىپ كەتكەن بولاتىن.

اۆتور: ەسىمجان ناقتىباي


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات