+7 (701) 759 90 19
6 °С : نۇر-سۇلتان
9 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

قاسىم-جومارت توقايەۆ: مۇعالىم جالاقىسى 2 ەسە وسەدى

16 تامىز 13:11
:ءبولىسۋ
قاسىم-جومارت توقايەۆ: مۇعالىم جالاقىسى 2 ەسە وسەدى

نۇر-سۇلتان. قازاقپارات - الداعى 4 جىلدىڭ ىشىندە مۇعالىمدەردىڭ ەڭبەكاقىسى 2 ەسەگە وسەدى. ق ر پرەزيدەنتى قاسىم-جومارت توقايەۆ ەلورداداعى تامىز كونفەرەنتسياسىندا ۇكىمەتكە وسىنداي تاپسىرما بەردى، دەپ حابارلايدى قازاقپارات ءتىلشىسى.

«پەداگوگ جۇكتەمەسىن قىسقارتاتىن، كاسىبىنە ساي ەمەس قىزمەتتەرگە تارتۋعا تىيىم سالاتىن شەكتەۋ قويۋ، شەكتەن تىس ەسەپتىلىك پەن نەگىزسىز تەكسەرۋلەردى شەكتەۋ دەربەس قارالادى. مۇعالىمدەردىڭ ەڭبەكاقىسى بازالىق لاۋازىمدىق جالاقى ارقىلى ەسەپتەلەدى. سول سەبەپتى ەلدەگى 500 مىڭ پەداگوگ ايلىعىنىڭ ەلەۋلى مولشەردە وسكەنىن سەزىنە الماي وتىر. مۇنى تۋرا ايتۋ كەرەك»، - دەگەن مەملەكەت باسشىسى ۇستازداردىڭ قازىرگى ەڭبەكاقىسىنا كوڭىلى تولمايتىنىن جەتكىزدى.

«مۇعالىمدەردىڭ ەڭبەكاقىسى ەڭ تومەنگى ايلىقتاردىڭ ءبىرى بولىپ تۇر. ەكونوميكاداعى ورتاشا ەڭبەكاقىنىڭ 65 پايىزىن عانا قۇرايدى. ارينە، مۇنىمەن كەلىسپەيمىز. سوندىقتان ۇكىمەتكە ءبىلىم جۇيەسىنە بىلىكتى ماماندار تارتۋ ماقساتىندا جانە پەداگوگتاردىڭ مارتەبەسىن كوتەرۋ ءۇشىن مۇعالىمدەردىڭ ەڭبەكاقىسىن 4 جىلدىڭ ىشىندە 2 ەسەگە ارتتىرۋدى تاپسىرامىن»، - دەدى پرەزيدەنت.

ەسكە سالساق، ەلورداداعى تاۋەلسىزدىك سارايىندا مەملەكەت باسشىسى قاسىم-جومارت توقايەۆتىڭ قاتىسۋىمەن تامىز كونفەرەنتسياسى ءوتىپ جاتىر.

سونداي-اق، قاسىم-جومارت توقايەۆ تامىز كونفەرەنتسياسىندا اعىلشىن ءتىلىن وقىتۋ قاي سىنىپتاردان باستالاتىنىن ايتتى.

كونفەرەنتسيا بارىسىندا مەملەكەت باسشىسى بارلىق پەداگوگتاردىڭ ەڭبەك دەمالىسى 56 كۇن بولاتىنىن مالىمدەدى.


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات