+7 (701) 759 90 19
USD 426.14 EUR 497.05
RUB 6.02 CNY 66.69
جاڭالىقتار

اتامبايەۆتى ۇستاۋ: شۋ وبلىستىق اۋرۋحاناسىنا وق تيگەن 2 ەر ادام ءتۇستى

8 تامىز 09:32
:ءبولىسۋ
اتامبايەۆتى ۇستاۋ: شۋ وبلىستىق اۋرۋحاناسىنا وق تيگەن 2 ەر ادام ءتۇستى

بىشكەك. كابار-قازاقپارات - شۋ وبلىستىق اۋرۋحاناسىنا ساعات 21.20 دا جەدەل جاردەم كەۋدەسىنە رەزەڭكە وق تيگەن 2 ەر ادامدى جەتكىزدى.

بۇل تۋرالى قازاقپارات كابار اگەنتتىگىنە سىلتەمە جاساپ حابارلايدى.

قىرعىز رەسپۋبليكاسى دەنساۋلىق ساقتاۋ مينيسترلىگىنىڭ دەرەگىنە قاراعاندا، زارداپ شەككەندەردىڭ جاعدايى ورتاشا اۋىر. قازىر ولارعا مەديتسينالىق كومەك كورسەتىلىپ جاتىر.

شۋ وبلىسىنداعى جەدەل جاردەم ستانساسىنا ساعات 20.20 دا حابار كەلىپ تۇسكەن. وقيعا ورنىنا شۋ وبلىسىنان 5 جەدەل جاردەم جاساعى، بىشكەكتەن 3 جاساق جەتكەن.

بۇعان دەيىن حابارلاعانىمىزداي، قوي-تاشتا المازبەك اتامبايەۆتى ۇستاۋ وپەراتسياسى ءجۇرىپ جاتىر.

ەسكە سالايىق، بۇعان دەيىن جوگوركۋ كەنەش ەلدىڭ ەكس-پرەزيدەنتى المازبەك اتامبايەۆتان تيىسپەۋشىلىك مارتەبەسىن الىپ تاستاۋ تۋرالى شەشىم قابىلداعان ەدى.

ايتا كەتۋ كەرەك، بۇعان دەيىن اتامبايەۆقا قاتىستى دەپۋتاتتار تاراپىنان تاعىلعان ايىپتاردى زەرتتەۋ بويىنشا ارنايى دەپۋتاتتىق كوميسسيا قۇرىلعان بولاتىن. كوميسسيا جۇمىسىنىڭ ناتيجەسىندە ەكس-پرەزيدەنتكە 6 ءبولىم بويىنشا ايىپ تاعۋ تۋرالى شەشىم قابىلداندى.

الايدا باس پروكۋراتۋرا كوميسسيانىڭ جۇمىسىن زاڭ تۇرعىسىنان باعالاي كەلە، تەك بەس ءبولىمدى قالدىردى.

وسىلايشا، اتامبايەۆ قوي-تاش اۋىلىنان جەر تەلىمىن زاڭسىز ساتىپ الىپ، ءۇي سالۋ، قىلمىس الەمىنە تانىمال ازيز باتۋكايەۆتى قاماۋدان بوساتۋعا زاڭسىز بۇيرىق شىعارۋ، «فورۋم» عيماراتىن سۋبيحي پارحاتيگە جالعان ساتۋ، بىشكەك قالاسىنىڭ جىلۋ ەلەكتر ورتالىعىن قايتا قۇرۋ جانە ول ءۇشىن كومىر ساتىپ الۋ كەزىندەگى جەمقورلىق ارەكەتتەر بويىنشا كۇدىككە ءىلىنىپ وتىر.

اتامبايەۆ وسىمەن ءۇشىنشى رەت ءى ءى م- گە ۇيىمداسقان قىلمىستىق توپتىڭ جەتەكشىسى ا. باتۋكايەۆتى بوساتۋ ءىسى بويىنشا جاۋاپ الۋعا شاقىرتىلعان. الايدا ول بارماعان.


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات