شەتەلدە دەمالاتىن قازاقستاندىقتار سانى ىشكى تۋريستەردەن 2 ەسە كوپ
ستاتيستيكا كوميتەتىنىڭ دەرەكتەرىنە سايكەس، 2018 -جىلى ەلدەگى قوناقۇيلەردىڭ قىزمەتىنە 4,6 ميلليوننان استام ىشكى تۋريست جۇگىنگەن. بۇل وتكەن جىلمەن سالىستىرعاندا 7 پايىزعا ارتىق. مۇنداي ءوسىم 2016 -جىلدان بەرى جالعاسىپ كەلەدى.
«ىشكى تۋريزمنىڭ بەلسەندى وسۋىنە قاراماستان، شەت ەلدەردە دەمالاتىنداردىڭ سانى ىشكى تۋريستىك اعىننان ەكى ەسە دەرلىك كوپ. وعان ءتيىستى ۇسىنىس پەن ينفراقۇرىلىمنىڭ جوقتىعىمەن قوسا، اقپاراتتىڭ ازدىعى دا سەبەپ بولىپ تۇر. مىسالعا، ەلدىڭ باتىس ايماقتارىنىڭ تۇرعىندارى قازاقستاننىڭ شىعىسىندا، بولماسا وڭتۇستىگىندە نە بار ەكەنىن بىلمەيدى. سوندىقتان حالىققا ەلىمىزدىڭ تۋريستىك مۇمكىندىكتەرى جايلى اقپاراتتى تۇراقتى تۇردە بەرە وتىرىپ، ولاردى ەل ىشىندە ساياحاتتاۋعا ىنتالاندىرۋ كەرەك»، - دەيدى «Kazakh Tourism» ۇلتتىق كومپانياسىنىڭ باسقارما ءتوراعاسى وركەن بيساقايەۆ.
ۇلتتىق كومپانيانىڭ حابارلاۋىنشا، ىشكى تۋريزمدى ودان ءارى ىنتالاندىرۋ ماقساتىندا مادەنيەت جانە سپورت مينيسترلىگىنىڭ تاپسىرىسى بويىنشا قازاقستاندا اقپاراتتىق تۋرلار سيكلى ۇيىمداستىرىلماق.
20-30 - مامىر ارالىعىندا باتىس قازاقستاننىڭ 4 ايماعىنىڭ تۋريستىك وپەراتورلارىنان قۇرالعان توپتىڭ قاتىسۋىمەن العاشقى اقپاراتتىق تۋر وتكىزۋ جوسپارلانعان. ولار نۇر- سۇلتان، شىمكەنت، الماتى قالالارىنا، اقمولا، الماتى، تۇركىستان جانە شىعىس قازاقستان وبلىستارىنىڭ تۋريستىك ورىندارىنا بارادى دەپ كۇتىلۋدە.
اۆتور: ەسىمجان ناقتىباي