تۇركىستاندىق بيزنەسمەن كاسىبىن 2 سيىرمەن باستاعان
تۇركىستان وبلىسى اكىمىنىڭ باسپا ءسوز قىزمەتى ۇيىمداستىرعان پرەسس- تۋر بارىسىندا جۋرناليستەر اتالعان شارۋاشىلىق نىسانىندا بولىپ، اتقارىلىپ جاتقان جۇمىستارمەن تانىستى.
بۇگىندە قوجالىقتىڭ مەنشىگىندەگى مال باسى سانى 120 دان اسىپ جىعىلادى. مەكەمە باسشىسى شارۋاشىلىق اۋقىمىن تاعى دا كەڭەيتە ءتۇسۋدى جوسپارلاپ وتىرعانىن ايتادى.
تۇركىستاندىق بيزنەسمەن كاسىبىن 2 سيىرمەن باستاعان
«مەن بۇل شارۋانى ەكى سيىرمەن باستاعانمىن. الدىمەن ءوسىرىپ، سەمىرتىپ، بىرەۋدى ەكەۋ ەتۋ ءۇشىن جاس تاناعا اۋىستىردىم. مالدىڭ باسى قۇرالا تۇسكەننەن كەيىن مەملەكەتتىك باعدارلامامەن كاسىپكەرلەردى قولداۋ باعىتى بويىنشا كومەك الدىم. بۇل دا شارۋامنىڭ ىلگەرىلەۋىنە ۇلكەن سەپتىگىن تيگىزدى. مال باسى سانىن كوبەيتكىم كەلەدى. ءبىراق، تەحنيكا جەتكىلىكسىز، ەندى مەملەكەتتىك قولداۋدىڭ ارقاسىندا وسى قاجەتتىلىككە قول جەتكىزۋدى كوزدەپ وتىرمىن» ، - دەدى شۋحراد ابدۋكاريموۆ.
قازىرگى تاڭدا قوجالىق ءسۇت ءوندىرۋدى دە قولعا العان. كۇنىنە 2 توننا ءسۇت ءوندىرىپ، «فۋدماستەر» اق- نا وتكىزىپ كەلەدى. مۇندا 80 مەن 150 مىڭ تەڭگە ارالىعىنداعى جالاقىمەن 7 ادام تۇراقتى جۇمىسپەن قامتىلعان.
«بۇگىندە بۇل كاسىپكەردىڭ اتقارىپ وتىرعان جۇمىسى - كوپشىلىككە ۇلگى» دەيدى اۋداندىق اۋىل شارۋاشىلىق ءبولىمىنىڭ ماماندارى.
ماسەلەن، زاۋرە سانسىزبايەۆا ۇيىندە 5 سيىر بايلاپ، باعىپ وتىر. ودان كۇن سايىن 70-80 ليتر ءسۇت الىپ، دۇكەندەر مەن ءسۇت وڭدەيتىن تسەحتارعا وتكىزەدى. بۇگىندە شارۋا كاسىبىنىڭ اۋقىمىن كەڭەيتۋ ماقساتىندا تولەبي اۋدانىنان جەر الىپ، قورا سوعىپ مال باسى سانىن كوبەيتۋدى جوسپارلاپ وتىر.