03:39, 03 - ناۋرىز 2019 | GMT +6
ايگىلى «توميريس» تاريحي دراماسىنىڭ العاشقى 2 پوستەرى جاريالاندى
استانا. قازاقپارات - رەجيسسەر اقان ساتايەۆ «توميريس» تاريحي دراماسىنىڭ العاشقى 2 پوستەرىن جاريالادى، دەپ حابارلايدى قازاقپارات.
«وسى ۇسىنىلعان ەكى پوستەردىڭ قايسىسىن «توميريس» ءفيلمى ءۇشىن ۇزدىك دەپ سانايسىزدار؟! سىزدەردىڭ پىكىرلەرىڭىز كەرەك» - دەپ جازدى اقان ساتايەۆ Instagram-داعى پاراقشاسىندا.
ايتا كەتەيىك، اقان ساتايەۆ ساقتاردىڭ كوشباسشىسى - تۇمار حانشايىم تۋرالى تاريحي فيلم ءتۇسىرىپ جاتىر. بۇعان دەيىن ءبىز «قازاق فيلمدە» تۇمار پاتشايىمدى تاڭداۋ قالاي ءجۇرىپ جاتقاندىعى تۋرالى تولىق اقپارات بەرگەن بولاتىنبىز.
فيلم ساق تايپالارى پاتشايىم تۇماردىڭ قولباسشىلعىمەن ۇلى دالانى باسىپ العىسى كەلگەن پارسى پاتشاسى II كيرگە جويقىن تويتارىس بەرگەنى تۋرالى باياندايدى. كىشكەنتاي قىزدان ايبىندى جاۋىنگەرگە اينالعان، جاقىندارىنان ايرىلىپ، ساتقىنداردان ءوشىن العان جانە ساق تايپالارىن ءوز بيلىگى استىندا بىرىكتىرگەن ارۋدىڭ تاعدىرى ايتىلادى.