وتكەن جىلى 2 مىڭنان استام ادام اتا-انا قۇقىعىنان ايىرىلدى

None
None
استانا. قازاقپارات - وتكەن جىلى قازاقستاندا 2 مىڭنان استام ادام اتا-انا قۇقىعىنان ايىرىلدى، دەپ حابارلايدى قازاقپارات ءتىلشىسى.

بۇل تۋرالى بالالاردىڭ قۇقىعىن قورعاۋ بويىنشا ق ر ءبىلىم جانە عىلىم ءمينيسترىنىڭ(ب ع م) كەڭەسشىسى رايسا شەر ق ر ب ع م القاسىنىڭ كەڭەيتىلگەن وتىرىسىندا مالىمدەدى.

«الەۋمەتتىك جەتىمدىكتىڭ الدىن الۋ ماسەلەسى ۇلكەن الاڭداۋشىلىق تۋعىزىپ وتىر. ەلىمىزدە 15 مىڭ بالا قولايسىز وتباسىندا ءوسىپ كەلەدى، 214 مىڭ بالا - از قامتىلعان وتباسىندا تاربيەلەنۋدە. وتكەن جىلى ەكى مىڭنان استام اتا-انا ءوز قۇقىقتارىنان ايىرىلدى»، - دەدى ول.

ونىڭ ۇستىنە، 5 مىڭنان استام بالا ءوز وتباسىندا ەمەس، قازىنالىق مەكەمەلەردە تۇرىپ جاتىر.

«بالالار ۇيىنەن شىققانداردى باسپانامەن قامتۋ جانە پوستينتەرناتتىق الەۋمەتتەندىرۋ ماسەلەسى دە وزەكتى بولىپ قالا بەرەدى. سوڭعى بەس جىلدا 265 جەتىم بالا باسپانا كەزەگىنە تۇرعىزىلماعان. مۇراگەرلىك قۇقىقتاردىڭ بۇزىلۋ جاعدايلارى دا جوق ەمەس. پاۆلودار، الماتى، شىعىس قازاقستان، تۇركىستان، جامبىل، باتىس قازاقستان، ماڭعىستاۋ وبلىستارى مەن الماتى قالاسىندا جەتىم بالالاردىڭ مۇلكىن ساقتاۋ بويىنشا شارا قولدانىلماي وتىر»، - دەيدى كەڭەسشى.

سوڭعى جاڭالىقتار