08:11, 11 - جەلتوقسان 2018 | GMT +6
قىتايداعى 2 مىڭنان استام ەتنيكالىق قازاق ەلدەن شىعۋعا رۇقسات الدى - سىرتقى ىستەر مينيسترلىگى
استانا. قازاقپارات - قىتايدا تۇراتىن 2 مىڭ ەتنيكالىق قازاق اتالمىش ەلدەن شىعۋعا رۇقسات الدى. بۇل جايىندا قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆ استانادا وتكەن بريفينگتە ايتتى، دەپ حابارلايدى قازاقپارات ءتىلشىسى.
«ديپلوماتيالىق ارنالار ارقىلى قىتاي تاراپىمەن جۇمىس ءجۇرىپ جاتىر. قىتاي تارابى ىزگى يشارا رەتىندە قىتاي اۋماعىنان 2 مىڭنان استام قازاقتىڭ شىعۋىنا رۇقسات بەردى»، - دەدى ايبەك سمادياروۆ.
ق ر سء ى م مالىمەتىنشە، قول جەتكىزىلگەن ۋاعدالاستىقتىڭ ناتيجەسىندە ءبىرقاتار ەتنيكالىق قازاق قازاقستان اۋماعىندا تۇرىپ جاتقان تۋىستارىمەن قاۋىشتى. قىتاي تارابى ق ح ر ازاماتتىعىنان شىعۋ ءتارتىبىن جەڭىلدەتتى. اتاپ ايتقاندا، بيىلعى توعىز ايدا 2,5 مىڭ قازاق قىتاي ازاماتتىعىنان شىعۋ قۇجاتىن راسىمدەدى.
اۆتور: مارلان جيەمباي