تۇركىستاندا 2 توننا پالاۋ مەن باۋىرساق تەگىن تاراتىلدى
فەستيۆال اياسىندا اۋىل شارۋاشىلىعى سالاسىندا بەلسەندىلىك تانىتىپ، ۇزدىك كورسەتكىشكە قول جەتكىزگەن قالا- اۋداندار جانە جەكە شارۋالار ق ر پرەمەر- ءمينيستردىڭ ورىنباسارى اۋىل شارۋاشىلىعى ءمينيسترى ءومىرزاق شوكەيەۆ پەن وبلىس اكىمىنىڭ مەدالدارىنا يە بولدى. جەڭىمپازدارعا ارنايى سەرتيفيكاتتار تابىس ەتىلدى.
ءوڭىر شارۋالارى «وزات استىق جيناۋشى»، «وزات مال بورداقىلاۋشى»، «وزات باقشا ءوسىرۋشى» سىندى 21 نوميناتسيا بويىنشا ماراپاتتالدى.
سونداي- اق، شارا بارىسىندا كورمە ۇيىمداستىرىلىپ، وندا اۋىل شارۋاشىلىعى ونىمدەرى، اسىل تۇقىمدى ءتورت تۇلىك مالدىڭ تۇرلەرى مەن وزىق تەحنيكالار قويىلدى. بۇدان بولەك، الاڭدا اۋىل شارۋاشىلىعى ونىمدەرىنىڭ جارمەڭكەسى ءوتىپ، وندا 182 توننا تابيعي تازا ونىمدەر نارىقتاعى باعادان 15-20 پايىزعا ارزان باعادا ساۋدالاندى. قوناقتار ءۇشىن 1 توننا پالاۋ مەن 1 توننا باۋىرساق دايىندالىپ، كوپشىلىككە تەگىن تاراتىلدى.
مەرەكەلىك جيىندا وبلىس اكىمى جانسەيىت تۇيمەبايەۆ سالا ماماندارىن كاسىبي مەركەلەرىمەن قۇتتىقتاپ، ايماقتىڭ جەتىستىكتەرىنە توقتالدى
«وڭىردەگى اۋىل شارۋاشىلىق سالاسىنىڭ جالپى ءونىم كولەمى 475,6 ميلليارد تەڭگەگە جەتىپ، رەسپۋبليكادا 2- ورىنعا قول جەتكىزدىك. كوكونىس، باقشا داقىلدارىنان 2,8 ميلليون توننامەن رەكوردتىق ءونىم جينادىق. 500 مىڭ تونناعا جۋىق ونىمدەر رەسەي، بەلارۋس، لاتۆيا، گەرمانيا مەملەكەتتەرىنە، 1 ميلليون تونناسى ەلىمىزدىڭ سولتۇستىك وڭىرلەرىنە جونەلتىلدى. قارقىندى باۋلاردىڭ كولەمى 2800 گەكتارعا جەتىپ، ەلدەگى جەمىس- جيدەكتىڭ 40 پايىزى، ءجۇزىمنىڭ 73 پايىزى اماقتا ءوندىرىلدى. رەسپۋبليكاداعى سالىنعان جىلىجايلاردىڭ 77 پايىزى، تامشىلاتىپ سۋعارۋ ءادىسىنىڭ 73 پايىزى دا ءبىزدىڭ وڭىرگە تيەسىلى. وبلىستا العاش رەت 6,2 مىڭ توننا ەت ەكسپورتتالىپ، رەسپۋبليكا ەكسپورتىنىڭ 41 پايىزىن قامتىدى. مۇنىڭ بارلىعى سىزدەردىڭ ەتكەن ەڭبەك، توككەن تەرمەن كەلگەن جەتىستىكتەر دەپ ايتۋعا تولىق نەگىز بار»، - دەدى جانسەيىت تۇيمەبايەۆ.
ورتالىق الاڭدا سونداي- اق ۇلتتىق سپورتتىڭ 12 تۇرىنەن سايىستار وتكىزىلىپ، اۋدانداردان جينالعان بىلەكتىلەر مەن ۇلتتىق سپورتتىڭ شەبەرلەرى ءوزارا مىقتىلاردى انىقتادى. ۇزدىك اتانعان بارلىق قاتىسۋشىلار مەن سپورتشىلارعا باعالى سىيلىقتار تابىس ەتىلدى.
اۆتور: اينۇر اقبايەۆا