13:13, 23 - قازان 2018 | GMT +6
زامبيا بيلىگى 2 مىڭ سۋسيىردىڭ كوزىن قۇرتپاق
استانا. قازاقپارات - زامبيا بيلىگى سۋسيىرلاردىڭ سانىن باقىلاۋ باعدارلاماسىنىڭ جاڭارتىلۋى تۋرالى جاريالادى. جوسپارعا سايكەس، ەلدە ەكى مىڭعا جۋىق سۇتقورەكتىلەر داراسى جويىلادى، دەپ حابارلايدى Reuters اگەنتتىگى.
ەلدىڭ تۋريزم ءمينيسترى چارلز باندا بۇل شەشىمدى لۋانگۆا وزەنىنىڭ تارتىلۋىمەن تۇسىندىرگەن. ول سونداي- اق جانۋارلاردى ەلدىڭ باسقا اۋدانىنا تاسىمالداۋ زامبيا بيۋدجەتى ءۇشىن قىمباتقا تۇسەتىنىن اتاپ ءوتتى.
ۆەدومستۆو باسشىسىنىڭ ايتۋىنشا، وڭتۇستىك لۋانگۆا ۇلتتىق ساياباعىن 13 مىڭنان استام سۋسيىر مەكەندەيدى، الايدا بۇل اۋماق تەك 5 مىڭ سۇتقورەكتىنىڭ ءومىر سۇرۋىنە لايىقتى. ولاردىڭ وسىلايشا كوبەيۋى ەكوجۇيەگە قاۋىپ توندىرەدى.