ارحەولوگتار 2 مىڭ جىلدىق تاريحى بار ءۇيدى تاپتى
بۇل ءۇي شامامەن وسىدان 2 مىڭ جىل بۇرىن سالىنعان، دەپ حابارلايدى قازاقپارات «انادولۋ» اگەنتتىگىنە سىلتەمە جاساپ.
قازبا جۇمىستارىنىڭ جەتەكشىسى پامۋككالە ۋنيۆەرسيتەتىنىڭ ارحەولوگيا كافەدراسىنىڭ پروفەسسورى باحادىر دۋمان تريپوليس قالاسىندا قازبا جۇمىستارىنىڭ 6 جىلدان بەرى جۇرگىزىلىپ جاتقاندىعىن ايتتى. قازبا جۇمىستارىنىڭ بارىسىندا وسىعان دەيىن ەنى 5 مەتر جانە ۇزىندىعى 45 مەتر بولاتىن جول تابىلعان.
ونىڭ سوزىنشە، تابىلعان نىسانداردا قازىر رەستاۆراتسيا جۇمىستارى ءجۇرىپ جاتىر.
«قازبا جۇمىستارى كەزىندە تابىلعان ۆيللا الەكساندر ماكەدونسكيي قازا بولعان كەزدەن باستاپ ريم بيلىگى ورناعان كەزەڭگە دەيىنگى ارالىقتى قامتيتىن كونە ەللينيزم - جەرورتا تەڭىزى تاريحى كەزەڭىنە جاتادى. ءۇي يەسى بولجام بويىنشا، ساۋداگەر بولعان. ءۇيدىڭ كارىز جۇيەلەرى بۇزىلماي سول كۇيىندە ساقتالعان. وندا ۇلكەن جۋىناتىن بولمە، زال، جاتىن بولمە، بالالار بولمەسى مەن جۇمىس كابينەتى بار»، - دەيدى باحادىر دۋمان.
سونداي-اق ءۇي 12 بولمەدەن تۇرادى.