بىشكەكتە 2 قازاقستان ازاماتى ۇستالدى

بىشكەك. قازاقپارات - قىرعىزستاننىڭ استاناسىندا ۇرلىققا قاتىسى بار دەگەن كۇدىكپەن ءبىر توپ «گاسترولەر- ۇرىلار» ۇستالدى، دەپ حابارلايدى قازاقپاراتتىڭ مەنشىكتى ءتىلشىسى بىشكەكتىڭ ىشكى ىستەر باس باسقارماسىنىڭ باسپا ءسوز قىزمەتىنە سىلتەمە جاساپ.

بىشكەكتىڭ وكتيابر اۋدانىنىڭ ىشكى ىستەر باسقارماسىنا قالانىڭ شاعىن اۋداندارىنىڭ بىرىندە تۇراتىن ادام حابارلاسقان. ازامات 2018 -جىلعى 3 -ساۋىردە بەلگىسىز ادامدار پاتەرىنە كىرىپ، باعالى زاتتارىن ۇرلاپ اكەتتى دەپ ارىز جازعان.

بيىلعى جىلدىڭ مامىر ايىندا ءى ءى ب-نا بىشكەكتىڭ تاعى ءبىر تۇرعىنى شاعىم تۇسىرگەن. ونىڭ ايتۋىنشا، ءباز بىرەۋلەر ايەلدىڭ ۇيىنە كىرىپ، 50 مىڭ سوم اقشانى ۇرلاپ، الىپ كەتكەن.

اتالعان فاكتىلەر بويىنشا قىرعىز رەسپۋبليكاسى ق ك 164-بابىنا («ۇرلىق») سايكەس قىلمىستىق ءىس قوزعالدى. جەدەل ىزدەستىرۋ شارالارى كەزىندە قازاقستاننىڭ ەكى ازاماتى -1983 -جىلى تۋعان گ. ۆ جانە 1979 -جىلعى ش. ر. ۇستالدى. ازاماتتاردىڭ وسىعان ۇقساس قىلمىستارعا قاتىستىلىعى تەكسەرىلىپ جاتىر. جەدەل تەرگەۋ شارالارى جۇرگىزىلۋدە.

جالدامالى پاتەردى ءتىنتۋ كەزىندە كۇدىكتىلەردەن 5 ۇيالى تەلەفون، ساعات، ەلەكتروشوكەر، قولعاپ، ءار ءتۇرلى كىلتتەر، زەرگەرلىك بۇيىمدارعا ارنالعان ولشەۋىشتەر، دوللارلار مەن سومدار تاركىلەنگەن. ۇستالعان ازاماتتار بىشكەك قالاسىنىڭ ىشكى ىستەر باس باسقارماسىنىڭ ۋاقىتشا تەرگەۋ يزولياتورىنا قامالدى.

بۇعان دەيىن دە پاتەر تونايتىن قازاقستاندىق «گاسترولەر- ۇرىلار» 2018 -جىلى اقپان ايىندا قىرعىزستاننىڭ استاناسىندا ۇستالعان بولاتىن.