+7 (701) 759 90 19 Лента
-11 °С : استانا
-15 °С : الماتى
USD 375.90 EUR 423.56
RUB 5.55 CNY 54.06
جاڭالىقتار

اسەت يسەكەشيەۆ: استانا حالقىن 2 ميلليونعا جەتكىزۋگە دايىندىق باستالىپ كەتتى

13 شىلدە 16:50 638
:ءبولىسۋ
اسەت يسەكەشيەۆ: استانا حالقىن 2 ميلليونعا جەتكىزۋگە دايىندىق باستالىپ كەتتى

استانا. قازاقپارات - استانا قالاسىنىڭ اكىمى اسەت يسەكەشيەۆ ەلوردانى 2 ميلليون تۇرعىنى بار قالا ەتۋگە دايىندىقتىڭ باستالعانىن، ياعني ارنايى باعدارلامانىڭ جۇزەگە اسىرىلىپ جاتقانىن ايتتى، دەپ حابارلايدى قازاقپارات ءتىلشىسى.

رەسمي ساناق بويىنشا استانادا بۇگىندە 1 ميلليون 200 مىڭ ادام تۇرادى. جىل ساناپ قالا تۇرعىندارىنىڭ سانى ارتۋدا، وسى تۇرعىدا ەلباسى 2  ميلليون تۇرعىنى بار قالا بولۋعا دايىندالۋدى تاپسىرعان بولاتىن.

«ءبىز قالانى دامىتۋدا 20 قادامنان تۇراتىن باعدارلاما جاساپ شىعاردىق. بۇگىنگى كۇندە باستى ەكى باعىتپەن جۇمىستى باستادىق. ءبىرىنشى باعىت: قالا تۇرعىندارى ءۇشىن قاۋىپسىزدىك پەن جايلىلىق، ەكىنشىسى جول جانە كولىك قاتىناسىن قامتيدى. نەگىزى 20 قادام باعدارلاماسى بارلىق سالانى قامتيدى، سول سالالاردىڭ ءبىرى كولىكتىك موبيلدىلىك. بۇل دەگەنىمىز قوعامدىق كولىكتەردىڭ قاۋىپسىزدىگى مەن جايلىلىعى، جاياۋ جانە ۆەلوجۇرگىنشىلەرگە ارنالعان جولداردىڭ قاۋىپسىزدىگى، باعدارشامدار جۇيەسى جانە بارلىق قالالاردىڭ پروبلەماسى بولىپ تابىلاتىن كەپتەلىستى ازايتۋ. جول ترانسپورتى ماسەلەلەرىن شەشۋدە ءبىز الەمنىڭ ءىرى مەگاپوليستەرى ماسكەۋ، دۋباي، سينگاپۋر قالالارىنىڭ ۇزدىك تاجىريبەلەرىنە سۇيەندىك. دەگەنمەن حالىق سانىمەن قاتار كولىكتەر دە كوبەيۋدە. ايتار بولساق بۇگىندە قالا ءىشى مەن ماڭايىن قوسا ەسەپتەگەندە ءبىر كۇندە 400 مىڭنان اسا، ال مەرەكە كۇندەرى 500 مىڭنان اسا كولىك جۇرەدى، - دەدى اسەت يسەكەشيەۆ.

ونىڭ سوزىنشە، استانا حالقىن 2 ميلليونعا جەتكىزۋ ماقساتى رەسمي باعامداۋ بويىنشا 2030 -جىلعا بەلگىلەنگەن. الايدا قالا تۇرعىندارىن تىركەۋدەگى جەدەل باعامداۋ بويىنشا بۇل ماقساتقا 2030 -جىلعا دەيىن جەتۋىمىز مۇمكىن.

سونىمەن قاتار قالا اكىمى تاۋەلسىزدىك سارايىنان جاڭا «نۇرلى جول» ۆوكزالىنا دەيىن جاڭا «مىڭ جىلدىق» اللەياسى قۇرىلىسىنىڭ باستالعانىن اتاپ ءوتىپ، وندا الداعى 5 جىل كولەمىندە ءبۇتىن ءبىر قالاشىق تۇرزىلاتىنىن ايتتى. ودان بولەك قالانىڭ باستى كولىك اعىنى وتەتىن ماڭگىلىك ەل، تۇران، قابانباي باتىر داڭعىلدارىنان ۇلكەن جانە كىشى اينالما جولدار سالۋ قۇرىلىسى قولعا الىندى.

ايتا كەتەيىك، اتالعان جوبالاردى اياقتاۋ 2020 -جىلعا جوسپارلانعان.

اۆتور: داۋلەت ىزتىلەۋ


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات