استانادا مەكتەپ ورتەندى: 2 مىڭنان استام بالا ەۆاكۋاتسيالاندى
قالالىق توتەنشە جاعدايلار دەپاراتامەنتى باسپا ءسوز قىزمەتىنىڭ اقپاراتى بويىنشا، 101 نومىرىنە كۇندىزگى ساعات 2 لەر شاماسىندا حابار تۇسكەن. ءبىرىنشى قاباتتاعى 10 شارشى مەتر الاڭدا جيھازدار مەن جەكە زاتتار جانعان.
«مەكتەپ اكىمشىلىگى ءورت سوندىرۋشىلەر كەلگەنگە دەيىن 2212 ادامدى ەۆاكۋاتسيالادى، ونىڭ ىشىندە 2096 بالا بار. جەدەل جاردەم مەن اپاتتىق مەديتسينا ورتالىعى ءورت بولعان جەردە ادامدارعا كومەك كورسەتىپ جاتىر» ، - دەلىنگەن حابارلامادا.
ق ر ءىء ى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆتىڭ ايتۋىنشا، مۇنداي جاعدايلاردا جالپى قاۋىپسىزدىك ءۇشىن عيماراتتا ورنالاسقانداردىڭ بارلىعى ەۆاكۋاتسيالانادى. «ەۆاكۋاتسيالانعانداردىڭ ۇلكەن سانى وسىمەن بايلانىستى» ، - دەدى ول.
سونداي- اق رەسمي وكىل ءورت سوندىرىلگەننەن كەيىن ءبىر ساعاتتان سوڭ بالالار مەكتەپكە ورالعانىن ءمالىم ەتتى.
«زارداپ شەككەندەر بويىنشا اقپارات ءتۇسىپ جاتقان جوق. جادەل جاردەم بريگادالارى قاجەتتىلىك تۋىنداعان جاعداي ءۇشىن ءالى دە مەكتەپتە ورنالاسۋدا» ، - دەدى ول.
ءورتتى اۋىزدىقتاۋعا جەكە قۇرامنىڭ 15 ادامى مەن 6 تەحنيكا تارتىلدى. ءورتتىڭ شىعۋ سەبەبى انىقتالىپ جاتىر.