ماڭعىستاۋدا مەملەكەتتىك قىزمەتشىلەردىڭ جالاقىسى 2 ەسەگە ءوستى

None
None
اقتاۋ. قازاقپارات - ماڭعىستاۋدا مەملەكەتتىك قىزمەتشىلەردىڭ جالاقىسى 2 ەسەگە ءوستى.

ەڭ تومەنگى ايلىق - 120 مىڭنان باستالادى.

بۇل وڭىردە پيلوتتىق جوبا رەتىندە ەنگىزىلىپ وتىر، دەپ حابارلايدى قازاقپارات.

ەڭبەكاقى تولەۋدىڭ جاڭا جۇيەسى وسى جىلدىڭ قاڭتار ايىنان باستاپ جۇزەگە اسىرىلا باستادى. ناقتى مالىمەتتەر كورسەتىپ وتىرعانداي، «ب» كورپۋسىنىڭ ورتاشا جالاقىسى اتقارۋشى قىزمەت ءۇشىن اۋىلدىق دەڭگەيدە %96 عا، اۋداندىق دەڭگەيدە %105- عا، وبلىستىق دەڭگەيدە %80- عا كوتەرىلگەن. ال، باسشىلىق قىزمەت ءۇشىن اۋىلدىق دەڭگەيدە %150-عا، اۋداندىق

دەڭگەيدە %158-عا، وبلىستىق دەڭگەيدە %143-عا وسكەن.

ەڭبەكاقىنىڭ كوبەيگەنىنە قۋانعان قىزمەتكەرلەر كوپ. سونىڭ ءبىرى ءومىرزاق اۋىلىنىڭ اكىمى ەرعالي ەسكەندىروۆ.

ونىڭ ايتۋىنشا، بۇل ءبىر جاعىنان مەملەكەتتىك قىزمەتتەگى ساپانى، ەكىنشى جاعىنان مامانداردىڭ الەۋمەتتىك جاعدايىن كوتەرەدى. وسى سالادا 3 جىل جۇرگەنىن ونىڭ ايلىعى بۇرىن 150 مىڭ بولسا، قازىر 300 مىڭعا دەيىن وسكەن.

جاڭا جۇيە ەلباسىمىزدىڭ 100 ناقتى قادام «ۇلت جوسپارىنا» سايكەس ەنگىزىلىپ وتىر.

«وڭىرلەر مەن ورتالىقتاعى مەملەكەتتىك قىزمەتشىلەردىڭ جالاقى كولەمىنە بايلانىستى ۇلكەن ايىرماشىلىقتى جويۋ بويىنشا تاپسىرما بەردى. بۇرىن ورتالىق مەملەكەتتىك قىزمەتشىلەردىڭ جالاقىسى 70 پايىزعا ايىرماشىلىق بولاتىن. قازىر 10 پايىزعا قىسقاردى»، - دەيدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىستىق دەپارتامەنتىنىڭ باسشىسى نۇرگۇل جاننازاروۆا.

جاڭا تولەم جۇيەسىنە قويىلاتىن تالاپ باسقا. ماسەلەن، ەندى لاۋازىم مەن ەڭبەك وتىلىنە نازار اۋدارىلمايدى. اتقارعان جۇمىسىنىڭ ناتيجەسى مەن مەملەكەتتىك ورگانعا اكەلگەن پايداسىنا بايلانىستى تولەنەدى. مامان نەگىزگى لاۋازىمدىق ەڭبەكاقىسىنان بولەك بونۋستار الۋ مۇمكىندىگىنە يە بولادى. ولاردىڭ قانشالىقتى ءونىمدى ەڭبەك ەتكەنى بەكىتىلگەن شكالانىڭ كومەگىمەن باعالانادى.

 null

نۇرگۇل جاننازاروۆانىڭ ايتۋىنشا، بۇرىن 1 لاۋازىمدا، 1 دەڭگەيدە جۇمىس اتقارعان ادامنىڭ بارلىعىنا بىركەلكى كولەمدە جالاقى تولەنىپ كەلدى. ەندى بۇل لاۋازىمداردىڭ قانداي جۇمىس اتقارعانى جانە جۇمىس كولەمى ەسەپكە الىنىپ، سول بويىنشا اقى تولەنەدى.

باعالاۋ بويىنشا قىزمەتكەرلەردىڭ ءتورت ساناتى بولادى. ولار - «ۇزدىك»، «ناتيجەلى»، «قاناعاتتانارلىق» جانە «ناتيجەسىز». قوسىمشا تولەمگە تەك «ۇزدىك» جانە «ناتيجەلى» قىزمەتكەرلەر يە بولادى. قازىر بۇل جۇيە تالقىلانۋ ۇستىندە جانە ونىڭ پروباتسياسى كەلەسى جىلى ءۇش ورگاننىڭ ۇلگىسىندە جۇرگىزىلمەك.

دەپارتامەنت باسشىسىنىڭ سوزىنە قاراعاندا، جاڭا جۇيەنىڭ ماڭعىستاۋعا جۇزەگە اسىرىلۋىنىڭ نەگىزگى سەبەبى، وڭىردە مەملەكەتتىك قىزمەتشىلەر سانى از. قازىر وبلىستا 2789 مامان بار. ءالى 500-گە جۋىق قىزمەتكەر جەتىسپەيدى. سوندىقتان ءبىزدىڭ ايماق پيلوتتىق جوبانى ەنگىزىپ وتىر. الايدا، بۇل سالاعا قىزمەتكە ورنالاسۋ ءۇشىن تالاپتار دا بارىنشا كۇشەيتىلمەك.

 null

ايتا كەتسەك، 2 ايدىڭ ىشىندە وبلىستا مەملەكەتتىك قىزمەتكە جۇمىسقا تۇرعىسى كەلەتىندەر سانى ارتقان.

سوڭعى جاڭالىقتار