سەمەيدە 29 باس جىلقىنى ايداپ كەتكەن ۇرى ۇستالدى

سەمەي. قازاقپارات - سەمەي قالاسىندا پوليتسيا قىزمەتكەرلەرى 29 باس جىلقى ۇرلاعان 58 جاستاعى ادامدى ۇستادى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى جەدەل- ىزدەستىرۋ شارالارى بارىسىندا مال ۇرلىعىمەن اينالىسقان ەر ادامدى قولعا ءتۇسىردى. «بەلگىلى بولعانداي، ول سەمەيدەگى شارۋا قوجالىعىنىڭ 42 جاستاعى يەسىنە تيەسىلى 29 باس جىلقىنى ەركىن جايىلىمنان ۇرلاپ اكەتكەن. وسىنىڭ سالدارىنان جابىرلەنۋشىگە 8100000 تەڭگە مولشەرىندە ماتەريالدىق زالال كەلتىرىلدى. پوليتسەيلەر 58 جاستاعى قالا تۇرعىنىن ۇستاپ، يزولياتورعا قامادى»، - دەپ حابارلادى ۆەدومستۆو وكىلدەرى.

قازىرگى ۋاقىتتا اتالعان فاكتى بويىنشا ق ر ق ك-نىڭ 188-بابى 1-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە.