الماتىدا وق تيگەن 29 ادامدى پوليتسيا تەرگەۋ يزولياتورىنا قاماپ قويعان - باس پروكۋراتۋرا

None
None
نۇر- سۇلتان. قازاقپارات - ادام قۇقىعىن قورعاۋ ۇيىمى وكىلدەرى مەن تاۋەلسىز قۇقىق قورعاۋشىلارعا جاپپاي ەرەۋىل كەزىندە ۇستالىپ، قامالعان جاندارمەن جۇزدەسۋگە رۇقسات بەرىلدى.

بۇل تۋرالى ق ر باس پروكۋراتۋراسى ءبىرىنشى قىزمەت باسشىسىنىڭ ورىنباسارى ەلدوس قيلىمجانوۆ وكق- دە وتكەن باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى.

«ءتۇسىندىرىپ وتكەن ءجون بولار، ءبىر قىلمىستىق ءىس بويىنشا بىرنەشە ادام، ياعني سىبايلاس قاتىسۋشىلار بولۋى مۇمكىن. بۇل دەرەكتەر ءالى دە تۇپكىلىكتى ەمەس. ولار پروكۋراتۋرامەن ۇستاۋ نەگىزدەرىن تەكسەرۋ جانە سوتتا قاماۋعا الۋ ىستەرىنىڭ قارالۋ ناتيجەسىنە بايلانىستى. اتاپ ايتقاندا، 29 ۇستالعان تۇلعانى سوت قاماۋعا الۋعا باس تارتقان، ولار قازىر بوساتىلدى. پروكۋرورلار قاماۋعا الىنعانداردى كۇندەلىكتى تەكسەرۋدە»، - دەدى ول.

باس پروكۋراتۋرا وكىلىنىڭ ايتۋىنشا، ايىبى جوق 96 ادام ۋاقىتشا ۇستاۋ يزولياتورلارىنان بوساتىلعان. «پروكۋرورلار الماتى قالاسىنىڭ ۋاقىتشا ۇستاۋ يزولياتورىن تەكسەرۋ كەزىندە دەنە جاراقاتى بار 73 ادامدى انىقتادى. ونىڭ ىشىندە ۇشەۋىنە قاتىستى بۇلتارتپا شاراسى وزگەرتىلدى، ولار قازىر بوستاندىقتا. ءبىزدىڭ نۇسقاۋمەن ۇستالعانداردىڭ اراسىندا وق جاراقاتىن العان 29 ادام قالالىق اۋرۋحاناعا جاتقىزىلدى. قاماۋعا الىنىپ، جاراقات العان 41 جان تىكەلەي يزولياتوردا ەم الۋدا. قاتىگەزدىكپەن قاراۋ، سونداي- اق مەديتسينالىق كومەكتى كورسەتپەۋ ىقتيمال جاعدايلارىن تاۋەلسىز تەكسەرۋ ماقساتىندا ادام قۇقىقتارى جونىندەگى ۋاكىل جانە باسقا دا ادام قۇقىعىن قورعاۋ ۇيىمدارىنا ۇستاۋ مەكەمەلەرىنە كىرۋگە رۇقسات بەرىلدى»، - دەيدى ول.

بۇعان دەيىن باس پروكۋراتۋرا وكىلى جاپپاي ەرەۋىلدەن كەيىن 819 قىلمىستىق ءىس تەرگەلىپ جاتقانى تۋرالى ءمالىم ەتكەن ەدى.

سوڭعى جاڭالىقتار