ۇلىن 29 جىل ىزدەپ شىمكەنتتەگى تۇرمەدەن تاپتى
ەر ادام جازاسىن قاتاڭ رەجيمدەگى ي چ 167/2 كولونياسىندا وتەيدى، سودان ول تاعى 5 بەس جىلعا جۋىق ۋاقىت تۇرمەدە بولادى.
جاستايىنان تاعدىر تالكەگىنە تۇسكەن جىگىتتى، اتا-اناسىنىڭ اجىراسۋىنا بايلانىستى، بالانىڭ جاقىندارى ءبىرىن-ءبىرى ەسكە الۋعا مۇلدەم مۇمكىندىك بەرمەگەن كورىنەدى.
بىردە تۇرمەگە تۇسكەن سوتتالۋشى، قىزمەتكەرلەردەن ءوزىنىڭ اناسىن تابۋعا كومەكتەسۋىن وتىنگەن ەكەن. ارادا ءبىراز ۋاقىت وتكەننەن سوڭ، جىگىتتىڭ تىلەگى ورىندالدى. 29 جىلدان كەيىن اناسى مەن تۇرمەدەگى ۇلى قالاي جۇزدەستى؟
«بالام مەنى كەشىرشى، تەزىرەك شىقشى، باقىتتى ءومىر سۇرەمىز دەپ سۇرايمىن».
ءجاميلا اپايدىڭ باستى تىلەگى، قيىن ساتتە قاسىنان تابىلا الماعان پەرزەنتىنىڭ كەشىرىمىن الۋ.
بۇل ازامات ءومىر بويى اناسىمەن كەزدەسۋگە دايىندالعان ەدى. ول اتا-اناسى اجىراسقاندا ءوزىنىڭ 2 جاستا بولعانىن ايتادى. سونداي-اق، ول ەسەيگەندە اناسىن تابۋعا بارىنشا تىرىسقانىن، الايدا ەشبىر ارەكەتى ناتيجە بەرمەگەنىن ايتادى.
«مەن ونى ىزدەپ كوردىم، ءبىراق ول تۋرالى بىردە ءبىر اقپاراتتى تابا المادىم، تۋىستارىم ونى مەنەن جاسىرىپ قالدى، مەن ءتىپتى انامدى قايدان ىزدەۋدى بىلمەدىم. سودان مەن تۇرمەگە ءتۇستىم، سول كەزدە ويىما بىردەن كەلگەنى، وسىنداعى قىزمەتكەرلەردەن كومەك سۇراۋ ارقىلى، انامدى تابۋ. ارادا بىرنەشە ايدان كەيىن ولار ونى تاپتى. ءبىز تەلەفونمەن سويلەسىپ، كەزدەسۋدى كۇتتىك، مەن ونى بۇگىن كورەمىن. ايەلىم، ەكى بالام بار، قازىر انامدى تاپتىم»، - دەيدى ەر ادام.
ءجاميلا اپاي ارادا 29 جىل وتكەن سوڭ ۇلىمەن كەزدەسۋگە كەلدى، سوڭعى رەت ولار بالانىڭ 2 جاسىندا كورىسكەن ەكەن. ودان كەيىن تالاي رەت تالپىنعانىمەن، ناتيجە بولماعان. اناسى بالاسىنىڭ ونى ىزدەپ جۇرگەنىن بىلگەندە قاتتى تاڭقالعانىن، ءتىپتى بۇل تۋرالى مۇلدەم ويلاماعانىن ايتادى.
«ومىردە ءبارى قاتەلەسەدى! مەن ۇلىمدى ەشقاشان ايىپتامايمىن. مەن ونى ىزدەدىم، ءبىراق تۋىستارى ونىمەن ارالاسۋعا تىيىم سالدى. جارايدى، مۇنداي ءومىر، مەن ەشكىمدى كىنالامايمىن. باستىسى ەندى مەن ونى تاپتىم».
اناسى مەن بالاسىنا 30 جىلعا جۋىق زارىعا كۇتكەن ءسات، تۇرمەدە بۇيىرىپتى.
كولونيا قىزمەتكەرلەرى جىگىتكە اناسىن تابۋعا كومەكتەسىپ، بارلىق وتىنىشتەردى جولداپ، ۇزاق ۋاقىت جۇمىس ىستەگەن كورىنەدى. ناتيجەسىندە، ولاردىڭ بۇل ارەكەتى، انا مەن بالانىڭ قانشاما جىلدىق ارمانىنىڭ ورىندالۋىنا سەبەپكەر بولدى. جاۋاپتى ماماندار، ەكى تاراپ بۇل جاڭالىقتى ەستىگەندە بىردەن كەزدەسۋگە كەلىسكەنىن ايتادى.
ماعجان سەمبەك، ي چ 167/2 كولونيا باستىعىنىڭ ورىنباسارى:
«سوتتالۋشى بىزدەن اناسىن تابۋدى سۇرادى، ءبىز بارلىق ينستانسيالارعا سۇراۋ جىبەردىك، سودان كەيىن جاۋاپ الدىق. ولار اناسىن تاۋىپ، بۇگىن كەزدەستى. ەندى ەشقاشان اجىرامايتىنىن ايتۋدا».
ي چ 167/2 كولونياسىندا جەتى جۇزدەن استام تۇتقىن بار، اركىمنىڭ تاعدىرى ءارتۇرلى، ءبىراق ءبارىنىڭ تىلەگى ءبىر، تەزىرەك بوستاندىققا شىعۋ، تۋىستارىمەن كەزدەسىپ، جاڭا ءومىر باستاۋ!
ايدا قارسىباي قىزى