قازاقستان شيكىزاتتىق ەمەس تاۋارلار ەكسپورتىن 29 ميلليارد دولارعا ۇلعايتپاق

None
None
نۇر- سۇلتان. قازاقپارات - قازاقستان شيكىزاتتىق ەمەس تاۋارلار ەكسپورتىن 29 ميلليارد دولارعا ۇلعايتادى.

بۇل نىسانداردى سالۋ ق ر ۇلتتىق ەكونوميكا مينيسترلىگى ازىرلەگەن «قازاقستاندىقتاردىڭ ءال- اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» ۇلتتىق جوباسى اياسىندا قاراستىرىلعان، دەپ حابارلايدى قازاقپارات ءتىلشىسى.

ق ر ۇ ە م مالىمەتىنشە، جوبانىڭ «شيكىزاتتىق ەمەس ەكسپورتتى ىلگەرىلەتۋ» باعىتىندا 2025 -جىلعا قاراي شيكىزاتتىق ەمەس ەكسپورت كولەمىن 41 ميلليارد ا ق ش دوللارىنا دەيىن ءوسىرۋ مىندەتى شەشىلەدى. ول ءۇشىن جاڭا ەكسپورتتاۋشىلاردى شىعارۋعا جانە جۇمىس ىستەپ جاتقان ەكسپورتتاۋشىلاردىڭ قۇزىرەتتەرىن ارتتىرۋعا باعىتتالعان ەكسپورتتىق اكسەلەراتسيا باعدارلاماسىن دامىتۋ جالعاسادى. 1000 بەلسەندى ەكسپورتتاۋشىنىڭ سىرتقى نارىقتارعا شىعۋى قامتاماسىز ەتىلەدى. سونىمەن قاتار 350-گە جۋىق ەكسپورتتاۋشىنى ەلەكتروندىق ساۋدا پلاتفورمالارىنا (Alibaba, Amazon, OZON) شىعارۋ جوسپارلانعان.

مەملەكەتتىك ەتالونداردىڭ حالىقارالىق تالاپتارعا سايكەستىگىن قامتاماسىز ەتۋ ءۇشىن سىناق زەرتحانالىق بازالارىنىڭ 30 پايىزى (250-دەن استام) جاڭعىرتىلادى. ەكسپورتتاۋشىلاردى سىرتقى نارىقتارعا ىلگەرىلەتۋ ءۇشىن ەكسپورت الدىنداعى جانە ەكسپورتتىق قارجىلاندىرۋ؛

ساقتاندىرۋ، اينالىم قاراجاتىن تولىقتىرۋعا قارجىلاندىرۋ؛

ەكسپورتتاۋشىلاردىڭ شىعىندارىن وتەۋ (ساۋدا سورەلەرى مەن ساۋدا الاڭدارىن جالعا الۋ، شەتەلدىك سەرتيفيكاتتاۋدان، اككرەديتتەۋدەن، ينسپەكتسيادان ءوتۋ، تاۋارلاردى شەتەلدە جارنامالاۋ، شەتەلدىك كورمەلەرگە، فورۋمدارعا، جارمەڭكەلەرگە، كونكۋرستارعا قاتىسۋ)؛

ەكسپورتتاۋشىلاردىڭ كولىك شىعىندارىن وتەۋ قامتاماسىز ەتىلەدى. «ناتيجەسىندە شيكىزاتتىق ەمەس تاۋارلاردىڭ ەكسپورتى 14-تەن 29 ميلليارد ا ق ش دوللارىنا ۇلعايادى. كورسەتىلەتىن قىزمەتتەر ەكسپورتىنىڭ ءوسۋى 2,4 ەسەنى (5-تەن 12 ميلليارد ا ق ش دوللارى) قۇرايدى»، - دەپ اتاپ وتەدى مينيسترلىكتەن.

ايتا كەتەيىك، ق ر پرەزيدەنتى جارلىعىمەن «قازاقستاندىقتاردىڭ ءال- اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» ۇلتتىق جوباسى بەكىتىلگەن بولاتىن. جوبا 5 باعىتتان تۇرادى جانە 6 نەگىزگى مىندەت پەن 13 كورسەتكىش ايقىندالعان.

اۆتور: مارلان جيەمباي


سوڭعى جاڭالىقتار