ەلوردادا 29- قىركۇيەكتە وتەتىن ماڭىزدى شارالار اڭداتپاسى
10.00 دە «قازگيدرومەت» ر م ك- دا گيدرومەتەورولوگيالىق قىزمەت، مەملەكەتتىك ورگاندار، عالىمدار مەن قوعامدىق ۇيىمدار وكىلدەرىنىڭ قاتىسۋىمەن ورتالىق ازيا ەلدەرىندەگى اۋا ساپاسىنىڭ مونيتورينگى بويىنشا وڭىرلىك كونفەرەنسيا وتەدى.
10.00 دە ونلاين رەجيمدە قازاقستان تاۋەلسىزدىگىنىڭ 30 جىلدىعىنا جانە مەملەكەت قايراتكەرى نىعماتجان ەسەنعاريننىڭ 80 جىلدىعىنا ارنالعان «قازاقستاننىڭ كولىك الەۋەتى: باستاۋلارى مەن كەلەشەگى» اتتى حالىقارالىق عىلىمي-تاجىريبەلىك كونفەرەنسيا وتەدى.
10.00 دە Zoom پلاتفورماسىندا نۇر-سۇلتان قالاسى ءماسليحاتىنىڭ جەتىنشى سايلانىمىنىڭ كەزەكتى سەسسياسى شاقىرىلادى.
11.00 دە استانا حالىقارالىق بيرجاسىندا AIX Qazaq يندەكسىنە تىركەلگەن جاڭا بيرجالىق نوتالار ىسكە قوسىلادى.
بۇل Kaspi.kz، Kazatomprom جانە Halyk Bank سەكىلدى قازاقستاندىق ءىرى كومپانيالارعا، ءبىر مەزگىلدە ينۆەستيتسيالاۋعا مۇمكىندىك بەرەتىن، قازاقستانداعى ءبىرىنشى باعالى قاعاز.
12.30 دا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «وتاندىق ونەركاسىپ سالالارىنىڭ دامۋى مەن مەملەكەتتىك قولداۋ شارالارى» اتتى باسپا ءسوز ءماسليحاتى وتەدى.
سپيكەرلەر: ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى مارات قارابايەۆ؛ «QazIndustry» قازاقستاندىق يندۋستريا جانە ەكسپورت ورتالىعى» ا ق باسقارما ءتوراعاسى بەرىك بەكەنوۆ؛ «ونەركاسىپتى دامىتۋ قورى» ا ق باسقارما ءتوراعاسى نۇرلان بايبازاروۆ.
كورسەتىلىم سىلتەمەلەرى: Youtube جانە Facebook
13.45 تە ەكسپو كەشەنىندە باشقۇرتستان رەسپۋبليكاسىنىڭ كونگرەسس-بيۋروسى وكىلدىگىنىڭ سالتاناتتى اشىلۋى وتەدى.
14.20 دا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «قازاقستاننىڭ پاريجدەگى Junior Eurovision بايقاۋىنا قاتىسۋى» تۋرالى باسپا ءسوز ءماسليحاتى وتەدى.
سپيكەرلەر: «حابار» اگەنتتىگى ا ق باسقارما ءتوراعاسى ەرلان بەكحوجين، «Adam Media» كومپانياسىنىڭ باس پروديۋسەرى ايدا تىلەۋحان، مۋزىكالىق پروديۋسەر حاميت شاڭعاليەۆ، Junior Eurovision 2019 سايىسىنىڭ فيناليسى ەرجان ماكسيم، Junior Eurovision 2020 فيناليسى قاراقات باشانوۆا.
كورسەتىلىم سىلتەمەلەرى: Youtube جانە Facebook
15.00 دە ق ر ۇلتتىق وليمپيادا كوميتەتى باس اسسامبلەياسىنىڭ وتىرىسى وتەدى.
وتىرىستىڭ كۇن تارتىبىندە توكيودا وتكەن جازعى وليمپيادا ويىندارىن قورىتىندىلاۋ جانە 2022-جىلى بەيجىڭدە وتەتىن قىسقى وليمپيادا ويىندارىنا دايىندىق ماسەلەلەرى تالقىلانادى.
قاتاڭ تالاپتار مەن قاتىسۋشىلار سانىنىڭ شەكتەۋلى بولۋىنا بايلانىستى ب ا ق وكىلدەرى ءۇشىن اتالعان شارادان ونلاين ترانسلياتسيا ۇيىمداستىرىلادى.
15.00 دە ق ر ۇلتتىق مۋزەيىندە قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان «تاۋەلسىزدىك جولى: قالىپتاسۋى، دامۋى جانە پەرسپەكتيۆالارى» اتتى رەسپۋبليكالىق عىلىمي-پراكتيكالىق كونفەرەنسيا وتەدى.
15.30 دا قازاقستان مەن رەسەي پرەزيدەنتتەرىنىڭ قاتىسۋىمەن «ەكولوگيا جانە جاسىل ءوسىم سالاسىنداعى ىنتىماقتاستىق» تاقىرىبىندا قازاقستان مەن رەسەيدىڭ XVII ايماقارالىق ىنتىماقتاستىق فورۋمى وتەدى.
16.00 دە ا. يانۋشكيەۆيچ جانە ا. يمانوۆ كوشەلەرىنىڭ قيىلىسىندا نۇر-سۇلتان قالاسىنىڭ ىشكى ساياسات باسقارماسىنىڭ قولداۋىمەن، قازاقستان حالقى اسسامبلەياسىنىڭ «Polacy» ق ب پولشا رەسپۋبليكاسى پرەمەر-ءمينيسترىنىڭ كەڭسەسىمەن بىرلەسىپ ۇيىمداستىرعان «قازاق حالقىنىڭ تامىرى - ادولف يانۋشكيەۆيچ» مۋرالى اشىلادى.