قازاقستان مەن تۇركيا اراسىنداعى ديپلوماتيالىق قاتىناستارعا 29 جىل تولدى

None
None
نۇر-سۇلتان. قازاقپارات - كۇنى كەشە قازاقستان مەن تۇركيا اراسىنداعى ديپلوماتيالىق قاتىناستارعا 29 جىل تولدى.

ەستە بولسا، 1992 -جىلدىڭ 2-ناۋرىزىندا ەكى ەل اراسىنداعى ديپلوماتيالىق بايلانىستار ورناعان بولاتىن، دەپ حابارلايدى قازاقپارات ءتىلشىسى.

سول جىلدىڭ 21-ساۋىرىندە تۇركيانىڭ قازاقستانداعى ديپلوماتيالىق كورپۋسىنىڭ باسشىسى بولىپ تاعايىندالعان العاشقى ەلشىسى ارگۋن ءوزپاي سەنىم گراموتاسىن تابىستادى. وسىلايشا، تۇركيا ەلشىلىگى قازاقستان تاريحىنداعى العاشقى شەتەلدىك ديپلوماتيالىق ميسسيا بولدى. ەكى ەلدىڭ ديپلوماتيالىق قاتىناستارىنىڭ 29 جىلدىق تاريحىندا جوعارى دەڭگەيدەگى ساپارلار دا ءجيى بولدى. اتاپ ايتار بولساق، ق ر تۇڭعىش پرەزيدەنتى - ەلباسى نۇرسۇلتان نازاربايەۆ العاشقى رەسمي ساپارىن تۇركياعا جاسادى جانە ەلىمىزدى انكاراداعى ەلشىلىگىن سالتاناتتى تۇردە اشتى.

ال تۇرىك تاراپىنان تۇركيا پرەمەر- ءمينيسترى سۇلەيمان دەميرەل پرەمەر-مينيستر دەڭگەيىندە قازاقستانعا العاشقى رەسمي ساپارىمەن كەلدى. ودان كەيىن 1993 -جىلدىڭ ساۋىرىندە سول كەزەڭدەگى تۇركيا رەسپۋبليكاسىنىڭ پرەزيدەنتى تۋرگۋت ءوزال قازاقستانعا مەملەكەت باسشىسى دەڭگەيىندەگى العاشقى رەسمي ساپارمىن جاسادى.

2009 -جىلدىڭ قازانىندا تۇركياعا ەلباسى نۇرسۇلتان نازاربايەۆتىڭ رەسمي ساپارى بارىسىندا ەكى ەل اراسىندا «ستراتەگيالىق ارىپتەستىك تۋرالى كەلىسىمگە» قول قويىلسا، 2012 -جىلدىڭ مامىرىندا سول كەزدەگى تۇركيا پرەمەر- ءمينيسترى رەجەپ تايىپ ەردوعاننىڭ قازاقستانعا ساپارى اياسىندا «جاڭا سينەرگيا - بىرلەسكەن ەكونوميكالىق باعدارلامانىڭ ءىس- قيمىل جوسپارى» راسىمدەلدى.

مۇنان بولەك، سول جىلدىڭ قازان ايىندا قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ تۇركياعا رەسمي ساپارى كەزىندە ەكى ەل اراسىنداعى «جوعارى دەڭگەيدەگى ستراتەگيالىق ىنتىماقتاستىق كەڭەسىنىڭ» العاشقى وتىرىسى ءوتتى. بۇگىندە تۇركيا مەن قازاقستان اراسىنداعى قارىم- قاتىناستار ساۋدا، ينۆەستيسيا، مادەنيەت، تۋريزم، مەديتسينا، ءبىلىم بەرۋ جانە اسكەري سىندى كەڭ اۋقىمدى سالالاردا ءوزارا تيىمدىلىك قاعيداسىمەن دامىپ كەلەدى. ەكىجاقتى قارىم- قاتىناستاردان بولەك، كوپجاقتى پلاتفورمالاردا دا ەكى باۋىرلاس ەل ۇنەمى ۇيلەسىمدىلىك پەن ىنتىماقتاستىقتا ارەكەت ەتەدى. تۇركى كەڭەسى، يسلام ىنتىماقتاستىق ۇيىمى، ەكونوميكالىق ىنتىماقتاستىق ۇيىمى جانە ازياداعى قاۋىپسىزدىك پەن تۇراقتىلىقتى كۇشەيتۋگە ارنالعان ماڭىزدى پلاتفورما – ا و س ش ك سياقتى ۇيىمدار اياسىندا دە تىعىز بايلانىستا.

اۆتور: مارلان جيەمباي

سوڭعى جاڭالىقتار