الىپ استەرويد 29- قاراشادا جەرگە جاقىندايدى

None
None
نۇر-سۇلتان. قازاقپارات - جەرگە 370 تەن 820 مەترگە دەيىنگى 153201 (2000 WO107) استەرويد جاقىنداپ كەلەدى، دەپ حابارلايدى قازاقپارات NASA جەر ماڭىنداعى نىسانداردى زەرتتەۋ ورتالىعىنىڭ سايتىنا سىلتەمە جاساپ.

استەرويد 29- قاراشا كۇنى نۇر-سۇلتان ۋاقىتىمەن 11:00 دە جەرگە ەڭ جاقىن قاشىقتىققا كەلەدى. استەرويد پەن جەر اراسىنداعى قاشىقتىق 4 ميلليون كيلومەتردەن اسادى، بۇل ايعا دەيىنگى قاشىقتىقتان 11 ەسە كوپ، سوندىقتان ول پلانەتامىزعا قاۋىپ توندىرمەيدى.

دەگەنمەن عالىمدار استەرويدتىڭ قاۋىپتىلىگىن جوققا شىعارمايدى، ويتكەنى ول جەر شارىنىڭ وربيتاسىنان كەسىپ وتەدى. سپەكترلىك تالداۋ كورسەتكەندەي، قاتتى تاستى دەنەنىڭ قۇرامىندا نيكەل، تەمىر جانە كوبالت بار.

600 مىڭ استەرويد تۋرالى اقپارات جيناقتالعان Asterank مالىمەتتەر قورىنىڭ باعالاۋىنشا، 2000 WO107-دەگى پايدالى قازبالاردىڭ قۇنى 17,4 ميلليارد دوللارعا باعالانادى.

سوڭعى جاڭالىقتار