قار، جاڭبىر: 29- قازان كۇنگى اۋا رايى بولجامى
رەسپۋبليكانىڭ تەك باتىسى مەن وڭتۇستىگىندە انتيتسيكلون اسەرىنەن جاۋىن-شاشىنسىز كۇن رايى كۇتىلەدى.
ەلىمىزدىڭ كەي جەرلەرىندە تۇمان، كوكتايعاق، جاياۋ بۇرقاسىن، وڭتۇستىك-باتىستا شاڭدى داۋىل، جەلدىڭ كۇشەيۋى بولجانادى، دەپ حابارلايدى قازاقپارات.
«قازگيدرومەت» ر م ك مالىمەتىنشە، سولتۇستىك قازاقستان، شىعىس قازاقستان، قاراعاندى وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن بولادى.
جەلدىڭ كۇشى 15-20 م/س ارتادى. اقمولا وبلىسىنىڭ كەي جەرلەرىندە جەل 15-20 م/س كۇشەيەدى، تۇندە تۇمان، كوكتايعاق، جاياۋ بۇرقاسىن كۇتىلەدى.
پاۆلودار وبلىسىنىڭ كەي جەرلەرىندە كوكتايعاق، كۇندىز كەي جەرلەرىندە جەل 15-20 م/س كۇشەيەدى.
جامبىل، قوستاناي وبلىستارىنىڭ كەي جەرلەرىندە تۇمان، كوكتايعاق بولجانادى.
جامبىل وبلىسىنىڭ جەكەلەگەن اۋماعىندا كۇندىز جەل 15-20 م/س كۇشەيەدى.
ماڭعىستاۋ، كۇندىز اتىراۋ وبلىستارىنىڭ كەي جەرلەرىندە جەل 15-20 م/س ارتادى.
ماڭعىستاۋ وبلىسىندا شاڭدى داۋىل كۇشەيەدى.
الماتى، تۇركىستان، باتىس قازاقستان وبلىستارىنىڭ كەي جەرلەرىندە تۇمان بولۋى ىقتيمال.