18:43, 27 - قاڭتار 2020 | GMT +6
نۇر- سۇلتاندا 29 - قاڭتاردان باستاپ بوران باسىلادى - قازگيدرومەت
نۇر- سۇلتان. قازاقپارات - «قازگيدرومەت» ر م ك اۋا رايىن قىسقا مەرزىمگە بولجاۋ باسقارماسىنىڭ باسشىسى الۋا ساحانوۆا الداعى كۇندەرى بوران باسىلاتىنىن ايتتى، دەپ حابارلايدى قازاقپارات ءتىلشىسى.
«22-24 - قاڭتار ارالىعىندا «قازگيدرومەت» ەسكەرتۋ جاريالاعان بولاتىن. ول جەردە قار جاۋاتىنى جانە وڭتۇستىك- باتىستان سەكۋندىنا 15-20, 23-28 مەتر جىلدامدىقپەن جەل سوعاتىنى ايتىلعان. 26-27 - قاڭتار كۇندەرى قاتتى جەل سوعىپ، 6 ميليمەتر قار جاۋدى»، - دەدى الۋا ساحانوۆا قالالىق اكىمدىكتە وتكەن بريفينگتە.
سونداي- اق، ول 29 - قاڭتاردان باستاپ سولتۇستىك- باتىس انتيتسيكلونى مەن اۋا تەمپەراتۋراسىنىڭ تومەندەۋىنە بايلانىستى جاۋىن- شاشىن توقتايتىنىن ايتتى.
«29 - قاڭتار كۇنى تۇندە قار جاۋىپ، تۇمان تۇسسە، 30 - قاڭتار كۇنى ارا- تۇرا تۇمان بولىپ، تۇندە -26 -28، ال كۇندىز -16 -18 گرادۋس اياز بولادى»، - دەيدى ول.
اۆتور: زارينا قاھارمان