قىتايدا ەجەلگى مازاردى توناۋمەن اينالىسقان 29 ادام ۇستالدى
اتالمىش ءىس بويىنشا 29 كۇدىكتى ۇستالدى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
حۋاينان قالاسى (انحوي شىعىس پروۆينسياسى) قوعامدىق قاۋىپسىزدىك باسقارماسىىڭ قىزمەتكەرلەرى قىلمىسكەرلەردىڭ ىزىنە وتكەن جىلى تۇسكەن. تەرگەۋ ءىسى ۇستالعانداردىڭ شايقاسۋشى پاتشالىق داۋىرىنە (ب. ە. د. 475-221 ج ج) جاتاتىن قابىردى ءۇش رەت توناعانىن انىقتادى.
قالا پوليتسياسى باسشىسى لي انليننىڭ ايتۋىنشا، قىلمىسكەرلەر قورىمنان 75 زات الىپ شىققان، ولاردىڭ 26 سى مەملەكەت تاراپىنان قورعالاتىن جوعارى دەڭگەيلى مادەني قۇندىلىقتار قاتارىنا ەنگەن. ءتىنتۋ بارىسىندا كۇدىكتىلەردەن 40 كەلىگە جۋىق جارىلعىش زات پەن 15 دەتوناتور الىندى.
تونالعان مازاردىڭ جالپى اۋماعى 5,8 مىڭ كۆ. م. ول 1981 -جىلى انحوي پروۆينسياسىنىڭ ماڭىزدى مادەني ەسكەرتكىشتەرىنىڭ تىزىمىنە ەنگەن ەدى.