تۇرعىندار 292 قولتىراۋىندى ۇرىپ ءولتىردى
The Jakarta Post باسىلىمىنىڭ جازۋىنا قاراعاندا، باتىس پاپۋا پروۆينتسياسىنداعى فەرمادا قولتىراۋىن ءوزىنىڭ قاداعالاۋشىسىنا شابۋىل جاساعان. كۇندەلىكتى تاماق بەرىپ جۇرگەن قاداعالاۋشى ءسويتىپ، قولتىراۋىننىڭ قولىنان قازا تاپتى. جەرگىلىكتى جەردە سىيلى ادام رەتىندە سانالاتىن قاداعالاۋشى قولتىراۋىننىڭ شابۋىلىنان قايتىس بولعاننان كەيىن ولاردىڭ دوستارى اشۋعا بۋلىعىپ، بۇكىل قولتىراۋىننىڭ كوزىن جويعان.
كىشكەنتاي قولتىراۋىننان باستاپ، ۇلكەنىنە دەيىن بارلىعىن دا تۇزاققا ءتۇسىرىپ، ادامدار ۇرىپ ولتىرگەن. ولار دوسىنىڭ ولىمىنەن وسىلاي كەك الدى. وسىعان بايلانىستى باتىس پاپۋا پروۆينتسياسىنىڭ باسشىسى بازار باسار مانۋنلانگ اشىنعان ادامداردىڭ بۇل ارەكەتىن اقتاپ الۋعا بولمايتىنىن ايتتى.
- قولتىراۋىندا جاپپاي ءولتىرۋ بۇل قىلمىستىق ءارى تاعىلىق ارەكەت بولىپ سانالادى. سوندىقتان ونى ۇيىمداستىرۋشىلار ءتيىستى جازاسىن الادى. قولتىراۋىن دا - تىرشىلىك يەسى، ولار دا قورعاپ، قولداۋدى قاجەت ەتەدى، - دەيدى بازار باسار مانۋنلانگ.
قولتىراۋىنداردى جەرگىلىكتى بيلىكتىڭ رۇقسات ەتۋىمەن سول پروۆينتسيادا تۇراتىن ازامات اسىراعانى بەلگىلى.