ەلوردادا 28- ماۋسىمدا وتەتىن ماڭىزدى شارالار اڭداتپاسى
27 ماۋسىم 22:32

ەلوردادا 28- ماۋسىمدا وتەتىن ماڭىزدى شارالار اڭداتپاسى

نۇر-سۇلتان. قازاقپارات - «قازاقپارات» حالىقارالىق اقپارات اگەنتتىگى 28- ماۋسىم كۇنى نۇر-سۇلتاندا وتەتىن ماڭىزدى شارالار اڭداتپاسىن ۇسىنادى.

9.00 دە ۇكىمەت ۇيىندە ۇكىمەت وتىرىسى وتەدى. كۇن تارتىبىندە مەملەكەتتىك قىزمەت كورسەتۋدى سيفرلاندىرۋ جانە IT سالاسىن دامىتۋ جانە بۇقارالىق اقپارات قۇرالدارىن دامىتۋدىڭ نەگىزگى تاسىلدەرى قارالادى.

11.30 دا «تۇركسوي» ۇيىمىنىڭ باس حاتشىسى سۇلتان رايەۆ پەن «روزا باعلانوۆا اتىنداعى «قازاق كونسەرت» ۇيىمىنىڭ ديرەكتورى اقتوتى رايىمقۇلوۆا رەسمي كەزدەسۋ وتكىزىپ، ىنتىماقتاستىق تۋرالى مەموراندۋمعا قول قويادى.

15.00 دە ق ر مادەنيەت جانە سپورت ءمينيسترى داۋرەن ابايەۆ ب ا ق وكىلدەرىنە جىل سايىنعى «التىن توميريس» جۋرناليستىك سىيلىعىن تابىستايدى. ماراپاتتاۋ ءراسىمى «استانا وپەرادا» وتەدى.

15.00 دە ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «مەملەكەت باسشىسىنىڭ تاپسىرمالارى اياسىندا پاۆلودار وبلىسىنىڭ الەۋمەتتىك-ەكونوميكالىق دامۋى تۋرالى» باسپا ءسوز ءماسليحاتى وتەدى.

سپيكەر: پاۆلودار وبلىسىنىڭ اكىمى ءابىلقايىر سقاقوۆ.

كورسەتىلىم سىلتەمەلەرى: https://www.youtube.com/user/ortcomkz، https://ru-ru.facebook.com/ortcomkz

16.00 دە ۇلتتىق دومبىرا كۇنىنە وراي ق ر ۇلتتىق مۋزەيىندە ق ر مەملەكەتتىك ورتالىق مۋزەيى مۋزەي قورىنداعى قازاقتىڭ ءداستۇرلى مۋزىكالىق اسپاپتارى كوللەكتسياسىنىڭ نەگىزىندە «سىرلى اسپاپتاردىڭ سيقىرلى ءۇنى» جىلجىمالى كورمەسىن وتكىزەدى.

17.00 دە قازمەديا ورتالىعىندا «تۇمار» سىيلىعى سالتاناتتى ماراپاتتاۋ ءراسىمى وتەدى.

19.00 دە «روزا باعلانوۆا اتىنداعى قازاق كونسەرتتە «سىرلى اندەر - سىرلاسىم» كونسەرتى وتەدى.

19.00 دە جاستار تەاترىندا «كۇيەۋ بالا» دراماسى كورسەتىلەدى.

تۇركىستان وبلىسىندا سۋعا كەتكەن شەتەلدىك ستۋدەنتتەردى تىكۇشاقپەن ىزدەپ جاتىر

تۇركىستان. قازاقپارات - تولە ءبي اۋدانىنداعى اقسۋ وزەنىنە باتىپ كەتكەن ءۇندىستاندىق ەكى ازاماتتى 58 ادام ىزدەستىرىپ جاتىر، دەپ حابارلايدى قازاقپارات ءتىلشىسى.

تۇركىستان وبلىسى ت ج د قۇتقارۋشىلارى سۋعا اعىپ كەتكەن ەكى شەتەلدىك ستۋدەنتتى ىزدەۋ جۇمىسىن جالعاستىرىپ جاتىر.

قازىرگى تاڭدا ت ج د- دان 26 قۇتقارۋشى، پوليتسيادان 17 قىزمەتكەر، جەرگىلىكتى اتقارۋشى ورگانداردان 15 ادام جۇمىلدىرىلعان.

«اقسۋ وزەنىنىڭ اعىسىنىڭ قاتتى ەكەنىن، سونىمەن قاتار شاتقالدىڭ تىك بولۋىن ەسكەرە وتىرىپ توتەنشە جاعدايلار مينيسترلىگىنىڭ «قازاۆيا» قۇتقارۋ مەكەمەسىنەن تىكۇشاق تارتىلدى»، - دەدى تۇركىستان وبلىسى ت ج د باستىعى نۇرعالي ءجۇنىسوۆ.

ايتا كەتەيىك، 26- ماۋسىم كۇنى ساعات 20.10 دا تۇركىستان وبلىسى ت ج د كەزەكشى- ديسپەتچەرلىك قىزمەتىنىڭ پۋلتىنە تولە ءبي اۋدانىنىڭ حانارىق اۋىلىنان 5 شاقىرىم جەردە ورنالاسقان اقسۋ شاتقالىنداعى اقسۋ وزەنىندە 2001-جىلعى 2 ستۋدەنتتىڭ بەلگىسىز جاعدايدا سۋعا ءتۇسىپ، باتىپ كەتكەنى تۋرالى اقپارات تۇسكەن بولاتىن.

21 ستۋدەنتتەن قۇرالعان توپ شىمكەنت قالاسىنان كەلگەن. بارلىعى - وڭتۇستىك قازاقستان مەديتسينا اكادەمياسىندا وقيتىن ءۇندىستان ازاماتتارى.


جاڭالىقتار