تۇمان، كوكتايعاق، بۇرقاسىن: 28-قاراشا كۇنگى اۋا رايى

None
None
نۇر-سۇلتان. قازاقپارات – 28-قاراشادا اۋقىمدى انتيتسيكلون اسەرىنەن رەسپۋبليكانىڭ باسىم بولىگىندە جاۋىن- شاشىنسىز اۋا رايى كۇتىلەدى.

ەلىمىزدىڭ تەك قيىر باتىسىندا قار مەن جاڭبىر جاۋادى. سونىمەن قاتار قازاقستان بويىنشا تۇمان، كوكتايعاق، ەكپىندى جەل كۇتىلەدى، سولتۇستىكتە جاياۋ بۇرقاسىن بولادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، الماتى وبلىسىنىڭ الاكول ماڭىندا جەل 23-28 م/س دەيىن كۇشەيەدى، تۇندە جانە تاڭەرتەڭ وبلىستىڭ سولتۇستىگىندە تۇمان تۇسەدى.

تۇركىستان وبلىسىنىڭ تاۋلى اۋداندارىندا 15-20 م/س كۇشپەن جەل سوعادى، تۇندە جانە تاڭەرتەڭ تۇمان بولادى.

باتىس قازاقستان وبلىسىنىڭ باتىسىندا جانە سولتۇستىك- باتىسىندا تۇمان، كوكتايعاق كۇتىلەدى، كۇندىز جەل 15-20 م/س دەيىن كۇشەيەدى.

تۇندە اقمولا وبلىسىنىڭ سولتۇستىگىندە جانە شىعىسىندا جەل 15-20 م/س دەيىن كۇشەيىپ، جاياۋ بۇرقاسىن سوعادى.

سولتۇستىك قازاقستان وبلىسىنىڭ وڭتۇستىك- باتىسىندا تۇمان بولادى، تۇندە جەل 15-20 م/س ەكپىنمەن سوعادى. تۇندە پاۆلودار وبلىسىنىڭ سولتۇستىگىندە جانە شىعىسىندا جەلدىڭ كۇشى 15-20 م/س ارتادى، جاياۋ بۇرقاسىن جۇرەدى.

قىزىلوردا وبلىسىنىڭ ورتالىعىندا، كۇندىز قاراعاندى وبلىسىنىڭ وڭتۇستىگىندە جەل 15-20 م/س دەيىن كۇشەيەدى.

جامبىل وبلىسىنىڭ تاۋلى اۋداندارىندا تۇمان ءتۇسىپ، جەل 15-20، ەكپىنى 23-28 م/س دەيىن كۇشەيەدى. قوستاناي وبلىسىنىڭ سولتۇستىگىندە تۇمان، جاياۋ بۇرقاسىن بولادى، جەل 15-20 م/س سوعادى.

سوڭعى جاڭالىقتار