شىعىس قازاقستاندا قوس ازاماتتىعى بار 28 ادام انىقتالدى

None
None
وسكەمەن. قازاقپارات - شىعىس قازاقستان وبلىسىندا قوس ازاماتتىعى بار 28 ادام انىقتالدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى جىل باسىنان بەرى قوس ازاماتتىعى بار 28 ادامدى جاۋاپقا تارتقان. ماسەلەن، جۋىقتا گلۋبوكوە اۋداندىق پ ب كوشى- قون قىزمەتىنىڭ وكىلدەرى ەل اۋماعىندا بولعان كەزدە قازاقستان ازاماتىنىڭ قۇجاتتارىن پايدالانعان رەسەي فەدەراتسياسىنىڭ ازاماتىن انىقتادى. وسىلايشا، ول ازاماتتىق تۋرالى زاڭنامانى بۇزعان.

بۇدان بولەك، سەمەي قالاسىنىڭ تۇرعىنى كۆازيمەملەكەتتىك سەكتوردا جۇمىس ىستەپ جۇرسە دە التاي ولكەسىندە رەسەي فەدەراتسياسىنىڭ ازاماتتىعىن العان. وعان قاتىستى ق ر اقبتك 496-بابىنا سايكەس اكىمشىلىك حاتتاما تولتىرىلىپ، 100 دەن 200 ا ە ك- كە دەيىن ايىپپۇل سالىندى. سونداي- اق قازاقستان رەسپۋبليكاسىنىڭ ازاماتتىعىنان ايىرىلدى.

ۆەدومستۆو مالىمەتىنشە، ق ر كونستيتۋتسياسىنا سايكەس ەلدە قوس ازاماتتىققا جول بەرىلمەيدى. الايدا مەملەكەتتەن تىس جەرلەرگە ۋاقىتشا شىعاتىن ازاماتتار باسقا ەلدىڭ ازاماتتىعىن قابىلداپ جاتادى.

«پ د كوشى- قون قىزمەتى باسقارماسى تۇراقتى نەگىزدە قوس ازاماتتىقتى انىقتاۋ بويىنشا جۇمىس جۇرگىزۋدە. ونىڭ ىشىندە شەتەلدىك ازاماتتىقتى الۋ فاكتىلەرى تۋرالى بەلگىلەنگەن مەرزىمدە حابارلاماعانى ءۇشىن - 8 ادام، قازاقستان رەسپۋبليكاسى ازاماتىنىڭ جەكە باسىن كۋالاندىراتىن قۇجاتتاردى پايدالانعانى ءۇشىن - 20 ادام جاۋاپقا تارتىلدى»، - دەدى ش ق و پ د كوشى- قون قىزمەتى باسقارماسىنىڭ باستىعى ەربول بەكپايەۆ.

سوڭعى جاڭالىقتار