ۇكىمەت بارلىق وڭىردە قوسىمشا 28 مىڭ پاتەر سالۋعا مۇمكىندىك بەرەتىن تاسىلدەردى جاريالادى

None
None
نۇر-سۇلتان. قازاقپارات - ەلىمىزدە ۇلەستىك قۇرىلىس بويىنشا قۇرىلىس كومپانيالارىنىڭ رەيتينگى تۇزىلەدى.

بۇل تۋرالى ۇكىمەت وتىرىسىندا تۇرعىن ءۇي ساياساتىنىڭ جاڭا تاسىلدەرىن جاريالاعان ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى قازاقپارات ءتىلشىسى.

«سونداي-اق، مينيسترلىك تۇرعىن ءۇي قۇرىلىسىن دامىتۋعا ارنالعان قوسىمشا شارالار ۇسىنادى: جالعا بەرىلەتىن تۇرعىن ءۇي پۋلىن قالىپتاستىرۋ جانە جىلجىمايتىن مۇلىكتىڭ جەكە الەۋمەتتىك قورلارىن قۇرۋدى ىنتالاندىرۋ؛ نارىقتىق قورلاندىرۋدى تارتۋ جانە قارىز بويىنشا شىعىستاردى سۋبسيديالاۋ؛ جەكە قۇرىلىس سالۋشىلاردى جوبالىق قارجىلاندىرۋ تەتىگىن ەنگىزۋ؛ ۇلەستىك قۇرىلىس بويىنشا قۇرىلىس كومپانيالارىنىڭ رەيتينگىن ەنگىزۋ؛ جوسىقسىز قۇرىلىس سالۋشىلاردىڭ جاۋاپكەرشىلىگىن قاتاڭداتۋ»، - دەدى بەيبىت اتامقۇلوۆ.

ونىڭ ايتۋىنشا، وسى شارالار قابىلدانعان جاعدايدا ەلىمىزدىڭ بارلىق وڭىرىندە قوسىمشا 1,7 ميلليون شارشى مەتر باسپانا نەمەسە 28 مىڭ پاتەر سالىنادى.

«تۇرعىن ءۇي قۇرىلىسىنا سالىناتىن ينۆەستيتسيا قوسىمشا 300 ميلليارد تەڭگەنى قۇرايدى. بۇل: 55 مىڭ جۇمىس ورنىن اشۋعا؛ - 40 ميلليارد تەڭگە سالىق ءتۇسىمىن قامتاماسىز ەتۋگە؛ 530 ميلليارد تەڭگەگە تاۋارلار ءوندىرۋ، جۇمىستار مەن قىزمەت كورسەتۋ ارقىلى ارالاس سالالاردى ىسكە تارتۋعا مۇمكىندىك بەرەدى»، - دەدى مينيستر.

سوڭعى جاڭالىقتار