كوروناۆيرۋس ينفەكتسياسىن 28 مەدقىزمەتكەر جۇقتىردى - ەلجان ءبىرتانوۆ

None
None
نۇر- سۇلتان. قازاقپارات - قازاقستاندا 28 مەديتسينالىق قىزمەتكەر كوروناۆيرۋس ينفەكتسياسىمەن كۇرەس بويىنشا كاسىبي مىندەتىن اتقارۋ بارىسىندا ۆيرۋس جۇقتىرعان، دەپ حابارلايدى قازاقپارات ءتىلشىسى.

بۇل تۋرالى ق ر دەنساۋلىق ساقتاۋ ءمينيسترى ەلجان ءبىرتانوۆ ورتالىق كوممۋنيكاتسيالار قىزمەتىندەگى بريفينگتە ايتىپ بەردى.

«28 مەديتسينالىق قىزمەتكەر اۋرۋ جۇقتىردى. مۇندا كوروناۆيرۋس ينفەكتسياسىمەن كۇرەس بويىنشا كاسىبي مىندەتىن اتقارۋ بارىسىندا ىندەت جۇقتىرعان مامانداردى ايتىپ وتىرمىز. ياعني، ءبىز ۆيرۋس جۇقتىرۋ قاۋپى جوعارى ورىنداردا جۇمىس ىستەپ جۇرگەن مامانداردىڭ ستاتيستيكاسىن جۇرگىزەمىز»،- دەدى مينيستر.

سونىمەن بىرگە، مينيستر ءوز تۋىستارىنان نەمەسە جۇمىس ورنىندا اۋرۋ جۇقتىرعان مەديتسينالىق مامانداردىڭ دا بار ەكەنىن اتاپ ءوتتى.

«ءبىراق، ولاردىڭ قىزمەتى كوروناۆيرۋستىق ينفەكتسيامەن كۇرەسكە قاتىستى ەمەس. سوندىقتان، بۇل توپ بولەك باقىلانادى. بارلىق جاعدايدا دا ۆيرۋس تابىلعان جۇمىس ورىندارىندا سانيتارلىق- ەپيدەميولوگيالىق تەكسەرۋ جۇرگىزىلەدى. مەديتسينالىق نەمەسە باسقا دا ەڭبەك ۇجىمدارى كارانتينگە جىبەرىلەدى. ارينە، ناۋقاستار ەمدەلىپ جاتقان عيماراتتاردا قاۋىپ باسىم. سوندىقتان، ونداعى مەديتسينالىق قىزمەتكەرلەرگە ەرەكشە كوڭىل بولەمىز. ولار دا وزگە ناۋقاستار سەكىلدى ينفەكتسيالىق اۋرۋحاناعا جاتقىزىلىپ، ەم الادى» ، - دەدى ە. ءبىرتانوۆ.

سوڭعى جاڭالىقتار