19:28, 02 - ءساۋىر 2020 | GMT +6
اتىراۋدا مەدبيكە 28 جاستاعى ناۋقاستان كوروناۆيرۋس جۇقتىردى
اتىراۋ. قازاقتارات - اتىراۋدا 2 ادام كوروناۆيرۋستى 28 جاستاعى تۇرعىننان جۇقتىرعان، دەپ حابارلايدى قازاقپارات.
«دەنساۋلىق ساقتاۋ باسقارماسىنىڭ حابارلاۋىنشا، 34 جاستاعى مەدبيكە مەن 21 جاستاعى ناۋقاس 1 -ساۋىرگە قاراعان ءتۇنى كوروناۆيرۋسپەن اۋرۋحاناعا جاتقىزىلعان 28 جاستاعى ايەلمەن قارىم-قاتىناستا بولعان. قازىر ولار ينفەكتسيالىق ستاتسيوناردا ەمدەلۋدە، ولاردىڭ جاعدايى تۇراقتى» دەپ حابارلادى وڭىرلىك كوممۋنيكاتسيالار قىزمەتى.
بۇعان دەيىن قىزىلقوعا اۋدانىنىڭ 28 جاستاعى تۇرعىنى جرۆي ايقىن بەلگىلەرىمەن وبلىستىق اۋرۋحاناناعا جۇگىنگەن. ودان الىنعان تەست ناتيجەسىندە سوvid-19 ينفەكتسياسى انىقتالىپ، ناۋقاسپەن قارىم- قاتىناستا بولعان ادامدار وقشاۋلانعان. ال، مەديتسينالىق مەكەمەنىڭ عيماراتى دەزينفەكتسيالانعان.