+7 (701) 759 90 19
17 °С : نۇر-سۇلتان
19 °С : الماتى
USD 405.77 EUR 457.91
RUB 5.77 CNY 57.42
جاڭالىقتار

قازاقستان بيزنەس جۇرگىزۋ جەڭىلدىگى بويىنشا 28-ورىندا - اسقار مامين

17 قىركۇيەك 09:58
:ءبولىسۋ
قازاقستان بيزنەس جۇرگىزۋ جەڭىلدىگى بويىنشا 28-ورىندا - اسقار مامين

نۇر-سۇلتان. قازاقپارات - قازاقستان بيزنەس جۇرگىزۋ جەڭىلدىگى بويىنشا الەمنىڭ 190 ەلى اراسىندا 28-ورىندا. بۇل تۋرالى بۇگىن «DoingBusiness» رەيتينگىندە قازاقستاننىڭ پوزيتسيالارىن جاقسارتۋ ماسەلەلەرى تالقىلانعان ۇكىمەت وتىرىسىندا پرەمەر-مينيستر اسقار مامين ايتتى، دەپ حابارلايدى قازاقپارات ءتىلشىسى.

«ەلباسى نۇرسۇلتان نازاربايەۆ «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا جانە پرەزيدەنت قاسىم-جومارت توقايەۆ ءوز جولداۋىندا ءبىزدىڭ الدىمىزعا ەكونوميكانىڭ تۇراقتى دامۋىن قامتاماسىز ەتۋ، ينۆەستيتسيالاردى تارتۋ، بيزنەس احۋالدى جاقسارتۋ بويىنشا ناقتى مىندەتتەر قويدى. ۇكىمەت وسى باعىتتا جۇيەلى جۇمىستار جۇرگىزۋدە. وسى جىلدىڭ ساۋىرىندە پارلامەنت كەزەكتى 7- زاڭنامالىق تۇزەتۋلەردى قابىلدادى. بۇل وزگەرتۋلەردە قۇرىلىس سالاسىندا «ءبىر تەرەزە» قاعيداتىن ەنگىزۋ، كەلىسىمشارتتاردى ورىنداۋ ماسەلەسىن وڭتايلاندىرۋ، سالىق سالۋ اياسىندا رەفورمالاردى ىسكە اسىرۋ شارالارى بار. كاسىپكەرلەر اراسىندا ءتۇسىندىرۋ بويىنشا ۇلكەن جۇمىس اتقارىلدى»، - دەدى ۇكىمەت باسشىسى.

ونىڭ اتاپ وتۋىنشە، قازىرگى كەزدە قازاقستان بيزنەس جۇرگىزۋ جەڭىلدىگى بويىنشا الەمنىڭ 190 ەلى اراسىندا 28-ورىندا. جالپى، بۇل رەيتينگ بيزنەستى جۇرگىزۋ شارتتارىن جەڭىلدەتۋگە باعىتتالعان رەفورمالاردىڭ قانشالىقتى ءتيىمدى ەكەنىن كورسەتەدى.

«بۇل، ارينە، ەلدىڭ ينۆەستيتسيالىق تارتىمدىلىعىنا ىقپال ەتەدى جانە ينۆەستورلار ءۇشىن جاڭا جوبالار مەن وندىرىستەردى قۇرۋعا قاتىستى مۇمكىندىكتەردى بەرۋ قۇرالى بولىپ سانالادى»، - دەدى ول.

پرەمەر-مينيستر دۇنيەجۇزىلىك بانكتىڭ ەلىمىزدىڭ قالالارى مەن وڭىرلەردە بيزنەس جۇرگىزۋ جەڭىلدىگى رەيتينگىنىڭ قورىتىندىسى بويىنشا الماتى قالاسى مەن ماڭعىستاۋ جانە اقتوبە وبلىستارى اكىمدىكتەرى ءتيىمدى جۇمىس جاساعانىن اتاپ ءوتتى.

«ەندى وسى رەفورمالاردى وڭىرلەردە ساپالى جانە ۋاقىتىلى ىسكە اسىرۋدىڭ ماڭىزى وتە زور. ءاربىر اكىم ولاردىڭ ىسكە اسۋ ناتيجەسىنە جاۋاپتى بولادى. وسى رەتتە مۇنداي ماڭىزدى تاجىريبەنى باسقا دا حالىقارالىق رەيتينگتەردە قولدانۋ قاجەت»، - دەدى اسقار مامين.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات