قازاقستاننىڭ باسىم بولىگىندە 28- اقپاندا اۋا رايى قۇبىلمالى بولادى

None
None
استانا. قازاقپارات - 28- اقپان كۇنى قازاقستاننىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى اۋا رايى قۇبىلمالى بولادى.

كەي جەرلەردە جاۋىن-شاشىن جاۋادى، سولتۇستىكتە كوبىنە قار جاۋادى. رەسپۋبليكانىڭ تەك وڭتۇستىك-شىعىسىندا بەيسەنبى جاۋىن-شاشىنسىز وتەتىنى كۇتىلەدى. جەكەلەگەن وڭىرلەردە تۇمان، كوكتايعاق، بۇرقاسىن، ەكپىندى جەل بولجانادى، دەپ حابارلايدى قازاقپارات.

«قازگيدرومەت» ر م ك- نىڭ مالىمەتىنە سۇيەنسەك، قاراعاندى، شىعىس قازاقستان وبلىستارىنىڭ كەي جەرلەرىندە جاياۋ بۇرقاسىن، كوكتايعاق كۇتىلەدى، جەل 15-20 م/س كۇشەيەدى. قاراعاندى وبلىسىندا سونداي-اق تۇمان بولجانادى.

پاۆلودار وبلىسىنىڭ كەي جەرلەرىندە تۇمان، كۇندىز بۇرقاسىن، كوكتايعاق كۇتىلەدى، جەل 15-20 م/س ارتادى.

اقمولا وبلىسىنىڭ جەكەلەگەن جەرلەرىندە بۇرقاسىن، تۇمان، كوكتايعاق بولادى.

تۇركىستان وبلىسىنىڭ كەي جەرلەرىندە تاڭەرتەڭ جانە كۇندىز تۇمان كۇتىلەدى، جەل 15-20 م/س كۇشەيەدى.

سولتۇستىك قازاقستان وبلىسىندا كەي جەرلەردە جاياۋ بۇرقاسىن، تۇمان كۇتىلەدى.

جامبىل، قىزىلوردا، ماڭعىستاۋ، اتىراۋ، باتىس قازاقستان وبلىستارىنىڭ كەي جەرلەرىندە تۇمان، كوكتايعاق كۇتىلەدى. باتىس قازاقستان وبلىسىندا كۇندىز جەلدىڭ جىلدامدىعى 15-20 م/س جەتەدى.

الماتى وبلىسىنىڭ جالاڭاشكول اۋدانىندا 18-23 م/س كۇشپەن جەل سوعادى، كۇندىز ەكپىنى 28 م/س ارتادى.

قوستاناي وبلىسىندا كەي جەرلەردە تۇمان كۇتىلەدى.

سوڭعى جاڭالىقتار