USD 416.91 EUR 446.47
RUB 7.34 CNY 62.53
جاڭالىقتار

ءبىر جىلدا كوپبالالى وتباسىلارعا 287 ميلليارد تەڭگەدەن استام جاردەماقى تولەنگەن

20 قاڭتار 16:01
:ءبولىسۋ
ءبىر جىلدا كوپبالالى وتباسىلارعا 287 ميلليارد تەڭگەدەن استام جاردەماقى تولەنگەن

نۇر- سۇلتان. قازاقپارات - 2021 -جىلى كوپبالالى وتباسىلار 287 ميلليارد تەڭگەدەن استام سوماعا جاردەماقى الدى، دەپ حابارلايدى قازاقپارات.

2021 -جىلى كوپبالالى وتباسىلارعا بەرىلەتىن مەملەكەتتىك جاردەماقى تولەمدەرىمەن جالپى سوماسى 287,6 ميلليارد تەڭگەگە ورتا ەسەپپەن 449,4 مىڭ وتباسى قامتىلدى. سونىڭ ىشىندە جەلتوقساندا جاردەماقىنىڭ بۇل ءتۇرىن 481,6 مىڭ وتباسى، جالپى سوماسى 25,9 ميلليارد تەڭگە الدى. اتالعان مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.

تولەم مولشەرى بالالاردىڭ سانىنا بايلانىستى سارالانىپ تولەنەدى جانە 2022 -جىلى 49100 تەڭگەنى (4 بالا)، 61383 تەڭگەنى (5 بالا)، 73666 (6 بالا) تەڭگەنى، 85948 تەڭگەنى (7 بالا)، 8 بالاعا - 98016 تەڭگەنى، 9 بالاعا - 110268 تەڭگەنى، 10 بالاعا - 122520 تەڭگەنى، 11 بالاعا - 134772 تەڭگەنى، 12 بالاعا - 147024 تەڭگەنى، 13 بالاعا - 159276 تەڭگەنى، 14 بالاعا - 171528 تەڭگەنى، 15 بالاعا - 183780 تەڭگەنى، 16 بالاعا - 196032 تەڭگەنى نەمەسە ءار بالاعا 12252 تەڭگەنى قۇرايدى.

ەسكە سالا كەتەيىك، كوپبالالى وتباسىلارعا ولاردىڭ كىرىستەرىن ەسەپكە الماي بەرىلەتىن جاڭا مەملەكەتتىك جاردەماقى قازاقستاندا 2020 -جىلدىڭ 1- قاڭتارىنان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ ءۇش نەگىزگى باعىتى شەڭبەرىندە ەنگىزىلگەن بولاتىن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات