ءبىرىنشى سىنىپقا قابىلداۋعا 285 مىڭنان استام ءوتىنىش تۇسكەن
ءبىلىم مينيسترلىگىنىڭ باسپا ءسوز قىزمەتىنىڭ حابارلاۋىنشا، قۇجاتتاردى قابىلداۋ 1- تامىزعا دەيىن جالعاسادى. ال ءبىرىنشى ساۋىردەن بەرى 285 مىڭنان استام ءوتىنىش تۇسكەن.
«قۇجاتتاردى قابىلداۋ 4 ايعا ۇزارتىلعان بولاتىن. بۇل اتا-انالارعا دا، مەكتەپ اكىمشىلىكتەرىنە دە وقۋ پروتسەسىنە دايىندىقتى الدىن الا ويلاستىرۋعا مۇمكىندىك بەرەدى. سونداي-اق 10- تامىزدان كەيىن مەكتەپتەردە دايىندىق توبى جۇمىسىن باستايدى، وعان اتا-انالاردىڭ قالاۋى بويىنشا مەكتەپكە دەيىنگى مەكەمەلەرگە بارماعان نەمەسە مەكتەپالدى دايارلىقتان وتپەگەن بالالار بارا الادى»، - دەيدى ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتى ءتوراعاسىنىڭ ورىنباسارى جومارت قارامبايەۆ.
وتىنىشتەردى قابىلداۋ ەgov.kz ەلەكتروندىق ۇكىمەت پورتالى ارقىلى ەلەكتروندىق فورماتتا جۇرگىزىلىپ جاتىر.
مەكتەپكە قابىلدانۋ ءۇشىن كەلەسى قۇجاتتاردى ۇسىنۋ قاجەت:
- بالانىڭ دەنساۋلىق جاعدايى تۋرالى قۇجاتتار (بالانىڭ دەنساۋلىق پاسپورتى 026№/ۋ-3، 063№/ۋ نىسانى بويىنشا مەديتسينالىق انىقتاما)؛
- بالانىڭ كولەمى 3x 4 س م سيفرلىق فوتوسۋرەتى.
ءوتىنىش 1 جۇمىس كۇنى ىشىندە قارالادى. «قىزىل» ايماققا ەنگەن وڭىرلەردە تۇراتىن اتا-انالار مەديتسينالىق انىقتامالاردى وقۋ جىلىنىڭ باستالۋىنا دەيىن الا الادى. ۆەدومستۆونىڭ بولجامى بويىنشا وسى وقۋ جىلىندا ءبىرىنشى سىنىپقا 380 مىڭنان استام وقۋشى بارادى»، - دەپ جازىلعان مينيسترلىكتىڭ باسپا ءسوز مالىمەتىندە.