قازاقستاندا كوروناۆيرۋسقا شالدىققاندار سانى 284 بولدى

نۇر-سۇلتان. قازاقپارات - قازاقستاندا كوروناۆيرۋس ينفەكتسياسىن جۇقتىرعاندار سانى 284 كە جەتتى، دەپ حابارلايدى قازاقپارات coronavirus2020.kz سايتىنا سىلتەمە جاساپ.

«30- ناۋرىز ساعات 00.20 داعى جاعداي بويىنشا كوروناۆيۋرس ىندەتىن جۇقتىرۋدىڭ تاعى ءبىر وقيعاسى اقتوبە وبلىسىندا تىركەلدى. وسى ساعاتتا نۇر-سۇلتان قالاسىندا - 167 ادام، الماتى قالاسىندا - 70 ادام، قاراعاندى وبلىسىندا - 7، اقمولا وبلىسىندا - 6 ادام، اتىراۋ وبلىسى - 12 ادام، جامبىل وبلىسىندا -3 ادام، شىمكەنت قالاسىندا - 2 ادام، شىعىس قازاقستان وبلىسىندا - 2 ادام، الماتى وبلىسىندا - 6 ادام، اقتوبە وبلىسىندا - 2 ادام، سولتۇستىك قازاقستان وبلىسىندا - 1 ادام، پاۆلودار وبلىسىندا - 1 ادام، ماڭعىستاۋ وبلىسىندا - 1 ادام، قىزىلوردا وبلىسىندا - 2 ادام، باتىس قازاقستان وبلىسىندا - 2 ادام، جالپى 284 ناۋقاس تىركەلدى»، - دەلىنگەن اقپاراتتا.

ايتا كەتەيىك، اقتوبە وبلىسىندا جاڭادان انىقتالعان جاعداي تۋرالى ونلاين-بريفينگ بارىسىندا ايتىلعان بولاتىن.

ناۋقاس تۇركيانىڭ ىستانبۇل قالاسىنان اقتاۋعا، اقتاۋدان اقتوبەگە ۇشىپ كەلگەن. ۇشاقتان تۇسكەن بارلىق 18 ادام وقشاۋلانىپ، اناليز الىندى.