الەمدە 283 ميلليون ادام ماسكۇنەمدىكتەن زارداپ شەگىپ وتىر
بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) بولجامىندا ايتىلعان، دەپ حابارلايدى قازاقپارات.
«قازىرگى ءۇردىس پەن بولجامداردى ەسەپكە الساق، الداعى 10 جىلدا الكوگولدى تۇتىنۋدىڭ جاھاندىق كورسەتكىشى جان باسىنا شاققاندا كوتەرىلەدى، اسىرەسە وڭتۇستىك-شىعىس ازيا، تىنىق مۇحيتىنىڭ باتىس بولىگى مەن امەريكا ەلدەرىندە»، - دەپ حابارلادى د د س ۇ.
زەرتتەۋلەر كورسەتكەندەي، جاھاندىق اۋقىمدا 237 ميلليون ەر ادام مەن 46 ميلليون ايەل الكوگولدىڭ سالدارىنان ىشكىلىك دەرتىنە شالدىققان.
«قازىرگى تاڭدا 15-19 جاس ارالىعىنداعى جاستاردىڭ تورتتەن ءبىر بولىگى (%27) الكوگول تۇتىنادى. 15-19 جاس ارالىعىنداعى جاستار اراسىندا سپيرتتىك ىشىمدىك ءىشۋدىڭ ەڭ جوعارى كورسەتكىشى ەۋروپادا (%44)، ودان كەيىن امەريكا ەلدەرى (%38) مەن تىنىق مۇحيتىنىڭ باتىس بولىگىندەگى وڭىرلەردە (%38) تىركەلىپ وتىر»، - دەپ باياندادى د د س ۇ.