اباي وبلىسىندا نايزاعايدان شىققان ءورت 280 گەكتارعا جايىلدى

سەمەي. قازاقپارات - اباي وبلىسى بەسقاراعاي اۋدانىندا نايزاعايدان شىققان ءورت 280 گەكتارعا جايىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 21- ماۋسىمدا ساعات 18:45-تە «سەمەي ورمانى» مەملەكەتتىك ورمان تابيعي رەزەرۆاتى دولون فيليالىنىڭ اۋماعىندا ءورت شىقتى. جالىن شارپىعان اۋماق شامامەن 280 گەكتاردى قۇرادى. ونىڭ ىشىندە 150 گەكتار ورمان ايماعى جانە 130 گەكتار اۋىلدىق وكرۋگ جەرلەرى.

«وت ەلدى مەكەندەرگە، ۇيلەرگە جەتكەن جوق. الدىن الا مالىمەت بويىنشا ءورت نايزاعايدان شىققان. ءتىلسىز جاۋ 22 ماۋسىمدا تاڭعى ساعات 4.30-دا وقشاۋلاندى»، - دەپ حابارلادى ۆەدومستۆو وكىلدەرى.

ورتپەن كۇرەسكە ت ج د تاراپىنان 8 تەحنيكا مەن 37 قىزمەتكەر، ورمان شارۋاشىلىعىنان 25 تەحنيكا مەن 60 ادام جۇمىلدىرىلعان. وسىعان دەيىن اباي وبلىسىنداعى ورماندا ءورت شىققانىن حابارلاعان ەدىك.

اۆتور: تالعاتجان مۇحامەتبەك ۇلى