باتىس قازاقستاندا توتەنشە وقيعالار سانى 28,5 پايىزعا كوبەيىپ كەتكەن

None
None
ورال. قازاقپارات - باتىس قازاقستان وبلىسىندا توتەنشە وقيعالار سانى 28,5 پايىزعا كوبەيىپ كەتىپ وتىر، دەپ حابارلايدى قازاقپارات ءتىلشىسى.

ب ق و ت ج دەپارتامەنتىنەن تۇسكەن مالىمەتكە قاراعاندا، وتكەن جىلى وسى مەرزىمدە تەحنوگەندىك جانە تابيعي سيپاتتاعى 14 توتەنشە جاعداي تىركەلسە، بيىل مۇنىڭ سانى 18 گە جەتتى.

سونىڭ سالدارىنان 17 ادام زارداپ شەكتى، بۇل وتكەن جىلعىدان (11) 54,5 پايىزعا كوپ. بيىل 2 ادام قازا تاپتى، وتكەن جىلى وسى مەرزىمدە 4 ادام كوز جۇمعان ەدى.

وبلىستا جىل باسىنان بەرى 211 ءورت (2017 -جىلى وسى مەرزىمدە - 221) تىركەلىپ، 12 ادام (11) زارداپ شەگىپ، 9 ى (8) قازا تاپتى.

جاز شىعا دالا مەن ورمان ءورتىنىڭ كوبەيەتىنى بەلگىلى. بيىلدىڭ وزىندە 22 گ ا اۋماقتى شارپىعان ەكى ورمان ءورتى بولىپ ۇلگەردى. بۇل رەتتە ءورت قاۋىپسىزدىگىن ساقتاۋدىڭ ماڭىزى زور. وسىعان وراي ت ج دەپارتامەنتى جەرگىلىكتى پوليتسيا قىزمەتىنىڭ اتتى ۆزۆودى، ب ق و تابيعي رەسۋرستار جانە تابيعات پايدالانۋدى رەتتەۋ باسقارماسىمەن بىرلەسە وتىرىپ، حالىق كوپ جينالاتىن تۋربازا، حان توعايى، جاعاجاي سەكىلدى ورىنداردا رەيد جۇرگىزدى.

شارا كەزىندە ورمان القابىندا رۇقسات ەتىلمەگەن وت تۇتاتۋ جاعدايى انىقتالدى. سوعان بايلانىستى ءورت قاۋىپسىزدىگى ەرەجەسىن بۇزعان ەكى ادامعا 24050 تەڭگە كولەمىندە اكىمشىلىك ايىپپۇل سالىندى.

«مۇنداي رەيدتەر اپتا سايىن ۇيىمداستىرىلاتىن بولادى»، دەدى قازاقپارات تىلشىسىنە ب ق و ت ج دەپارتامەنتىنىڭ باسپا ءسوز حاتشىسى نۇرگۇل مۇقانوۆا.

ايتا كەتەيىك، سۋعا شومىلۋ كەزىندە دە ادامدار قاۋىپسىزدىكتى ساقتاماي جاتادى. سوڭعى ون جىلعا جاسالعان تالداۋ كورسەتكەنىندەي، سۋعا كەتكەندەردىڭ 35 پايىزى ماس كۇيىندە تۇسكەندىكتەن، قايعىلى جاعدايعا دۋشار بولعان. 39 پايىزى سۋدا بولۋ قاۋىپسىزدىگى ەرەجەسىن بۇزعاندىقتان جانە ءجۇزۋ بىلمەگەندىكتەن، سۋعا كەتىپ قالادى. 12 پايىزى ەرەسەكتەردىڭ قاراۋىنسىز قالعان بالالاردىڭ شومىلۋىنان بولادى.

سوڭعى جاڭالىقتار