شەتەلگە قونىس اۋدارعان قازاقستاندىقتار سانى 27 پايىز تومەندەدى

استانا. قازاقپارات - قازاقستاندى تۇراقتى تۇراتىن ەل رەتىندە قاراستىراتىن كەلۋشىلەر سانى ارتتى، دەپ حابارلايدى قازاقپارات ءتىلشىسى.

Ranking.кz پورتالىنىڭ مالىمەتىنشە، 2022 -جىل قازاقستاننىڭ سىرتقى كوشى- قون ۆەكتورىن وزگەرتتى.

سوڭعى ونجىلدىقتا العاش رەت وزگەشە ءۇردىس بايقالدى. سوڭعى ءبىر جىلدا ەميگرانتتار سانى 8 مىڭ ادامعا - 32,3 مىڭنان 24,2 مىڭ ازاماتقا قىسقاردى.

سونىمەن قاتار، قازاقستاندى تۇراقتى تۇراتىن ەل رەتىندە قاراستىراتىن كەلۋشىلەر سانى دا ارتا ءتۇستى.

ەگەر 2021 -جىلى مۇنداي 11 مىڭ شەتەلدىك بولسا، 2022 -جىلى ولاردىڭ سانى 56,7 پايىزعا ارتىپ، 17,3 مىڭ ادامعا جەتكەن.

وسى ەكى فاكتور كوشى- قون تەڭگەرىمىنە ەلەۋلى اسەر ەتتى. كەلگەندەرگە قاراعاندا كەتكەندەر كوپ بولعانىمەن، جالپى ءۇردىس وڭ.

ميگراتسيا سالدوسى، ياعني كەتكەندەر مەن كەلگەندەردىڭ ايىرماشىلىعى سوڭعى ون جىلدا تەرىس بولدى. جىل سايىن بۇل الشاقتىق ارتا ءتۇستى.

ەگەر 2014 -جىلى بۇل كورسەتكىش مينۋس 12,2 مىڭ بولسا، 2019 -جىلى قازاقستان حالقى كوشى- قون اعىنىنىڭ جوعارى بولۋىنا بايلانىستى 33 مىڭ ازاماتقا قىسقاردى.

پاندەميا كەزىندەگى لوكداۋنعا بايلانىستى كەتۋشىلەر جوسپارى ورىندالماي قالدى.

2020 -جىلى سالدو مينۋس 17,7 مىڭ بولدى. 2020 -جىلى كەتۋى ءتيىس بولىپ كەتە الماي قالعاندار 2021 -جىلى كوشتى.

بۇل بىردەن ۇلتتىق ستاتيستيكا بيۋروسىنىڭ ستاتيستيكالىق ەسەپتەرىندە كورىنىس تاپتى: كەتكەندەر سانىنىڭ وسكەنى بايقالدى، ال سالدو مينۋس 21,2 مىڭ ادامعا جەتتى.

ال بىلتىر بۇل ايىرماشىلىق نەبارى 6,9 مىڭ ادامعا دەيىن قىسقاردى.

جالپى، ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 2011 -جىلدان 2022 -جىلدىڭ قازان ايىنا دەيىن ەلدەن 367,1 مىڭ ادام كەتكەن.

ەڭبەككە جارامدى ەميگرانتتاردىڭ 38 پايىزىنىڭ - جوعارى، 34 پايىزىنىڭ - ورتا كاسىپتىك ءبىلىمى بار.

سونىمەن قاتار، سوڭعى 10 جىلدا ەلىمىزگە كەلگەن جوعارى ءبىلىمى بار شەتەلدىكتەر سانى ەكى ەسەدەن اسا ازايعان.

2021 جانە 2022 -جىلدارداعى ەميگرانتتار سانىنداعى ايىرماشىلىق نەگىزىنەن رەسەي فەدەراتسياسىنا كەتكەن قازاقستاندىقتار سانىنىڭ ازايۋىنا بايلانىستى بولدى.

مۇنداي ادامدار بىردەن % 27,1 پايىزعا نەمەسە 7,2 مىڭ ادامعا ازايدى.

كوشىپ كەتۋشى سلاۆيان قازاقستاندىقتار سانى دا قىسقاردى. 2022 -جىلى قازاقستاننان كەتۋگە شەشىم قابىلداعان ورىستار سانى 5,7 مىڭعا — 21,8 مىڭنان 16,1 مىڭ ادامعا دەيىن قىسقاردى.

كوشىپ كەتكەن ۋكراين مەن بەلورۋس سانى 700-دەن استامعا ازايدى. ستاتيستيكاعا نەمىستەر دە اسەر ەتتى: قازاقستاننان وسى ۇلتتىڭ 2,3 مىڭ وكىلى كەتكەن.

قازاقستانعا كەلۋشىلەر سانىنىڭ ارتۋىنا نە اسەر ەتتى؟ رەسەيلىك قونىس اۋدارۋشىلار قازاقستانعا كەلۋشىلەردىڭ كوبەيۋىنە ءىشىنارا عانا اسەر ەتتى.

قازاقستانعا قونىس اۋدارعان 17,3 مىڭنىڭ ىشىندە رەسەيلىكتەر تەك ۇشتەن ءبىرىن نەمەسە 5,9 مىڭ ادامدى (ءبىراق ايتارلىقتاي 2,4 مىڭ ادامعا كوبەيگەن) قۇرادى.

ق ر- عا كوشىپ كەلۋشىلەردىڭ ەڭ كوپ ۇلەسىن وزبەكستان ازاماتتارى (6,5 مىڭ ادام، ءوسىم 2,4 مىڭ ادام) قۇراپ وتىر.

اۆتور

مارلان جيەمباي