ەلوردادا 27- قاڭتار كۇنى وتەتىن ماڭىزدى شارالار اڭداتپاسى

استانا. قازاقپارات - «قازاقپارات» حالىقارالىق اقپارات اگەنتتىگى 27- قاڭتار كۇنى استانادا وتەتىن مادەني جانە قوعامدىق ماڭىزدى شارالار اڭداتپاسىن ۇسىنادى.

10.00 دە «BI Group» باس كەڭسەسىندە ينتەرنات تۇرىندەگى بالالار مەكەمەلەرىن ترانسفورماتسيالاۋ ماسەلەسى بويىنشا كەڭەس وتىرىسى وتەدى. وندا اقمولا وبلىسىنىڭ اقكول قالاسىنداعى بالالار ءۇيىن بالالارعا قولداۋ كورسەتۋ ورتالىعىنا اينالدىرۋ جۇمىستارىنىڭ ارالىق قورىتىندىسى تالقىلانادى.

11.00 دە بۋرابايدا مادەنيەت جانە سپورت مينيسترلىگىنىڭ تۋريزم يندۋسترياسى ماسەلەلەرى جونىندەگى كوشپەلى كەڭەيتىلگەن القا وتىرىسى وتەدى. وتىرىسقا پرەزيدەنت اكىمشىلىگىنىڭ، پارلامەنت پەن ۇكىمەت وكىلدەرى، مينيسترلىكتىڭ قوعامدىق كەڭەسىنىڭ مۇشەلەرى، جەرگىلىكتى اتقارۋشى ورگانداردىڭ، «اتامەكەن» ۇكپ، بيزنەس قوعامداستىقتىڭ، «Kazakh Tourism ۇ ك» ا ق وكىلدەرى، قوعام قايراتكەرلەرى جانە ت. ب. قاتىسادى.

12.00 دە ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «اكىمشىلىك زاڭنامانى جەتىلدىرۋ تاسىلدەرى تۋرالى» باسپا ءسوز ءماسليحاتى وتەدى. سپيكەر: ادىلەت ۆيتسە-ءمينيسترى الما مۇقانوۆا. كورسەتىلىم سىلتەمەلەرى: https://www.youtube.com/user/ortcomkz، https://ru-ru.facebook.com/ortcomkz

14.30 دا «Wyndham Garden Astana» قوناق ۇيىندە ق ر كاسىپوداقتار فەدەراتسياسىنىڭ ۇيىمداستىرۋىمەن «جاڭا قوعامدىق كەلىسىم: ادىلەتتى ەڭبەك قاتىناستارى» اتتى الەۋمەتتىك ارىپتەستەردىڭ فورۋمى وتەدى. فورۋم الەۋمەتتىك ارىپتەستىك جىلى اياسىندا وتكەن 2022-جىلدىڭ قورىتىندىسىنا ارنالعان.

15.00 دە ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «مەرزىمدى اسكەري قىزمەت وتكەرگەن ازاماتتارعا ءبىلىم بەرۋ سالاسىنداعى جەڭىلدىكتەر» باسپا ءسوز ءماسليحاتى وتەدى. سپيكەرلەر: قورعانىس ءمينيسترىنىڭ كەڭەسشىسى ايگۇل نۇرالى قىزى تولەمبايەۆا؛ ق م ءبىلىم جانە عىلىم دەپارتامەنتى باستىعىنىڭ ورىنباسارى، پولكوۆنيك بەگىم نۇرجان ۇلى نۇرماحانوۆ؛ ق م ب ا ق- پەن جۇمىس جونىندەگى باسقارماسىنىڭ باستىعى، پودپولكوۆنيك رۋسلان تۇرعىمباي ۇلى جانگۋلين. كورسەتىلىم سىلتەمەلەرى: https://www.youtube.com/user/ortcomkz، https://ru-ru.facebook.com/ortcomkz

15.00 دە استانا قالاسىنىڭ كوممۋنيكاتسيالار قىزمەتىندە «اسقازان اۋرۋلارىنىڭ الدىن الۋ» تاقىرىبىندا باسپا ءسوز ءماسليحاتى وتەدى.

15.00 دە ۇلتتىق مۋزەيدە «ق ر ۇلتتىق مۋزەيىنىڭ عىلىمي-زەرتتەۋ جۇمىستارى: باسىم باعىتتارى جانە ناتيجەلەرى» اتتى دوڭگەلەك ۇستەل وتەدى.

19.00 دە استانا بالەت تەاترىندا «زولۋشكا» بالەتى كورسەتىلەدى.

19.00 دە جاس كورەرمەندەردىڭ مۋزىكالىق تەاترىندا «عاشىق جۇرەك» مۋزىكالىق-پوەتيكالىق قويىلىمى وتەدى.

19.00 دە نوماد سيتي حولل تەاترىندا «جاس اباي» دراماسى قويىلادى.

19.30 دا بارىس-ارەنا مۇز سارايىندا «بارىس» جانە رەسەيلىك «تراكتور» حوككەي كلۋبتارى كەزدەسۋ وتكىزەدى.