قازاقستان وقۋشىلارىنىڭ رەكوردى: قورجىندا 27 مەدال
بۇل تۋرالى وقۋ- اعارتۋ ءمينيسترى اسحات ايماعامبەتوۆ الەۋمەتتىك جەلىدەگى پاراقشاسىندا جازدى، دەپ حابارلايدى قازاقپارات.
«بۇل بەدەلدى وليمپياداعا ءبىزدىڭ 4 وقۋشى قاتىستى. 90 عا جۋىق ەلدەن 350 دەن استام قاتىسۋشىنىڭ باسىن قوسقان جارىستا 4 وقۋشىمىز دا جۇلدەلى ورىندارعا يە بولدى.
ورالدىق جامبىل ماقسوتوۆ پەن سەمەيلىك مۇحامماداريف ساحمولدين كۇمىس، ال الماتىلىق ۆان لي مەن تايماس قورعانبايەۆ قولا جۇلدەنى يەلەندى.
وسىلايشا، قازاقستاندىق وقۋشىلاردىڭ 2022 -جىلى ەڭ بەدەلدى حالىقارالىق وليمپيادالاردا جەڭىپ العان مەدالدارىنىڭ سانى رەكوردتىق كورسەتكىشكە جەتتى. قازاقستان قۇراماسىنىڭ قورجىنىندا 27 مەدال بار، ونىڭ ىشىندە 3 التىن، 15 كۇمىس جانە 9 قولا.
بيىل العاش رەت پرەزيدەنتتىڭ قولداۋىنىڭ ارقاسىندا حالىقارالىق جارىستاردىڭ جەڭىمپازدارى 4,5 ميلليون تەڭگەگە دەيىن قوماقتى اقشالاي سىياقى مەن ۇ ب ت تاپسىرماي- اق ج و و- دا وقۋعا گرانتقا يە بولادى.
وقۋشىلارىمىزدى جاڭا جوعارى ناتيجەلەرىمەن جانە لايىقتى ماراپاتتارىمەن قۇتتىقتايمىن. اتا- انالارىنا قولداۋ كورسەتكەندەرى ءۇشىن، پەداگوگتەرگە ەڭبەكتەرى مەن كاسىبي شەبەرلىكتەرى ءۇشىن العىس ايتامىن»، - دەپ جازدى مينيستر.