ءۇش ايدا 27 مىڭ ەلوردالىق ءوز ەركىمەن جۇمىستان كەتكەن
بۇل تۋرالى قازاقپارات ءتىلشىسىنىڭ ساۋالىنا جاۋاپ بەرگەن نۇر- سۇلتان قالالىق ستاتيستيكا دەپارتامەنتىنىڭ باسپا ءسوز قىزمەتىنەن حابارلادى.
«جەدەل دەرەكتەر بويىنشا، نۇر- سۇلتان قالاسىنىڭ ءىرى جانە ورتا كاسىپورىندارىنا 2022 -جىلدىڭ II توقسانىندا 30027 ادام جۇمىسقا قابىلداندى. وسى ۋاقىتتا ءوز ەركىمەن 27018 ادام قىزمەتىنەن كەتتى. بۇل جۇمىستان بوساعان پەرسونالدىڭ 84,7 پايىزىن قۇرايدى. كاسىپورىننىڭ جابىلۋى مەن قىزمەتتەگى قىسقارتۋلارعا وراي جۇمىسسىز قالعان ازاماتتاردىڭ ۇلەسى - 2,1 پايىز. سونىمەن قاتار ءوز مىندەتىن اتقارۋدا ولقىلىقتارعا جول بەرگەن 12,5 پايىز ەڭبەككەر قىزمەتتەن بوساتىلعان»، - دەپ جاۋاپ بەردى ستاتيستيكا دەپارتامەنتىنەن.
بۇدان بۇرىن حابارلاعانىمىزداي، بۇگىندە ەلوردانىڭ حالىقتى جۇمىسپەن قامتۋ ورتالىعىندا جۇمىسسىز رەتىندە 4873 ازامات تىركەلگەن.